കോട്ടയം: നിയമസഭാ തെരഞ്ഞെടുപ്പ് ഫലപ്രഖ്യാപനത്തിന് ശേഷം കുമരകത്ത് തുടങ്ങിയ അക്രമം ഇനിയും തുടരാന് സിപിഎമ്മിനെ അനുവദിക്കില്ലെന്ന് ബിജെപി ജില്ലാപ്രസിഡന്റ് എന്.ഹരി പറഞ്ഞു. ബിജെപി, സംഘപരിവാര് പ്രവര്ത്തകരെ ഏകപക്ഷീയമായി ആക്രമിക്കുന്ന സിപിഎം നടപടിയെ വച്ചുപൊറുപ്പിക്കാന് കഴിയില്ല. പോലീസ് സിപിഎമ്മിന്റെ ബി ടീമായാണ് പ്രവര്ത്തിക്കുന്നത്. ബിജെപി പ്രവര്ത്തകര്ക്ക് വീട്ടില്കിടന്ന് ഉറങ്ങുവാനോ, വഴിയില് ഇറങ്ങുവാനോ പറ്റാത്ത അവസ്ഥയാണ് കുമരകത്തുള്ളത്. ഇക്കാര്യത്തില് സ്വതന്ത്രമായി ജീവിക്കാനും അവകാശത്തിനും സംഘടനാ സ്വാതന്ത്ര്യത്തിനും വേണ്ടി ജനങ്ങളെ സംഘടിപ്പിച്ച് പൊതുജനപരിപാടികള് സംഘടിപ്പിക്കുമെന്നും അക്രമം അവസാനിപ്പിക്കാന് ജില്ലാഭരണകൂടം ഇടപെടണമെന്നും ഹരി പറഞ്ഞു. ഇന്നലെ ഉണ്ടായ അക്രമത്തില് ഗുരുതര പരിക്കുകളോടെ ആശുപത്രിയില് കഴിയുന്നവരെ ബിജെപി ജില്ലാപ്രസിഡന്റ് എന്. ഹരി, ജില്ലാസെക്രട്ടറി എം.വി. ഉണ്ണികൃഷ്ണന്, മണ്ഡലം പ്രസിഡന്റ് കെ.ജി. ജയചന്ദ്രന് എന്നിവര് സന്ദര്ശിച്ചു.
പ്രതികരിക്കാൻ ഇവിടെ എഴുതുക: