കോഴിക്കോട്: കോഴിക്കോട് കോര്പറേഷനിലെ നിലവിലുള്ള ഓട്ടോറിക്ഷ പെര്മിറ്റുകളുടെയും പുതിയ പെര്മിറ്റ് ആവശ്യമുള്ളവരുടെയും വിവരം ശേഖരണത്തിനായി നാഷനല് ഇന്ഫര്മാറ്റിക് മിഷനുമായി സഹകരിച്ച് മോട്ടോര് വാഹന വകുപ്പ് സൗകര്യമേര്പ്പെടുത്തിയതായി കോഴിക്കോട് റീജ്യനല് ട്രാന്സ്പോര്ട്ട് ഓഫീസര് അറിയിച്ചു. ംംം.സീ്വവശസീറല.ിശര.ശി, ംംം.സീ്വവശസീറല.ഴീ്.ശി എന്നീ വെബ്സൈറ്റുകളില് ‘ഓട്ടോറിക്ഷ സി.സി പെര്മിറ്റ് എന്ന ലിങ്ക് ഉള്പ്പെടുത്തിയിട്ടുണ്ട്. പുതിയ പെര്മിറ്റ് ആവശ്യമുള്ളവര് ‘ന്യൂ പെര്മിറ്റ്’ എന്ന ഓപ്ഷനിലും നിലവില് പെര്മിറ്റ് ഉള്ളവര് ‘എക്സിസ്റ്റിംഗ് പെര്മിറ്റ്’ എന്ന ഒപ്ഷനിലും വിവരങ്ങള് ചേര്ക്കുക. ഗൂഗിള് പ്ലേ സ്റ്റോറില് ‘ഓട്ടോ പെര്മിറ്റ്’ എന്ന മൊബൈല് ആപ്ലിക്കേഷന് വഴിയും വിവരങ്ങള് നല്കാം. സെപ്റ്റംബര് അഞ്ചിന് മുമ്പായി വിവരങ്ങള് നല്കണം.
ജനസാന്ദ്രതയും വര്ധിച്ചുവരുന്ന യാത്രാ ആവശ്യങ്ങളും കോര്പറേഷനില് പുതിയ പഞ്ചായത്തുകള് ഉള്പ്പെടുത്തിയതും കണക്കിലെടുത്ത് കോര്റേഷനില് കൂടുതല് സി.സി പെര്മിറ്റുകള് അനുവദിക്കുന്നത് സംബന്ധിച്ച് സര്ക്കാര് പുനരവലോകനം നടത്തുകയാണെന്നും അറിയിച്ചു.
പ്രതികരിക്കാൻ ഇവിടെ എഴുതുക: