ശരീരം ധരിച്ച് ഓരോ ജീവന്റെയും ഹൃദയപദ്മത്തിൽ ശംഖചക്രഗദാപദ്മങ്ങൾ നാലുകൈകളിൽ ധരിച്ച് വർത്തിക്കുന്നു. പരമാത്മാ, അന്തവ്യായി, പ്രത്യഗ്നത്മാ എന്നെല്ലാം പറയപ്പെടുന്നു.
ത്രിഗുണാവതാരങ്ങൾ
ബ്രഹ്മാവിന്റെ നിവാസസ്ഥാനമായ സത്യലോകത്തിന്റെ രജോഗുണമൂർത്തിയായ ബ്രഹ്മാവായും തമോഗുണമൂർത്തിയായ ശ്രീരുദ്രനായും ഉന്നതമായ വിഷ്ണുലോകത്തിൽ ശ്രീവിഷ്ണുവായിട്ടും ശ്രീകൃഷ്ണഭഗവാൻ വിളങ്ങിക്കൊണ്ടിരിക്കുന്നു.
ഇങ്ങനെ ശ്രീകൃഷ്ണഭഗവാൻ ബ്രഹ്മാണ്ഡങ്ങളുടെ സൃഷ്ടിക്കുവേണ്ടി പുരുഷനായിട്ടും, സ്ഥിതി സംഹാരാദി ലീലകൾ ചെയ്യാൻ വേണ്ടി ത്രിമൂർത്തികളായിട്ടും പതിനാലു മന്വന്തരങ്ങളിൽ മന്വന്തരാവതാരങ്ങളായിട്ടും (14) ഭൂമിയെ ഉദ്ധരിക്കുക തുടങ്ങിയ ലീലകൾ ചെയ്യാൻവേണ്ടി ലീലാവതാരങ്ങളായിട്ടും കൃതത്രേതാദി യുഗങ്ങളിൽ ശുക്ലൻ തുടങ്ങിയ വർണവും അതേ പേരും ധരിച്ച് യുഗാവതാരങ്ങളായിട്ടും ആവിർഭവിക്കുന്നു. ആകെ 41 അവതാരങ്ങളാണ് ഒരു കൽപ്പത്തിൽ സംഭവിക്കുന്നത്. ഇതേ രീതിയിൽ അസംഖ്യ കോടി ബ്രഹ്മാണ്ഡങ്ങളിലും സംഭവിക്കുന്നു.
ഞാൻ എഴുതിക്കൊണ്ടും നിങ്ങൾ വായിച്ചുകൊണ്ടും ഇരിക്കുന്ന ഈ സന്ദർഭത്തിലും, ബ്രഹ്മാണ്ഡങ്ങളിൽ രാമാവതാരവും കൃഷ്ണാവതാരവും മത്സ്യാവതാരവും സംഭവിച്ചുകൊണ്ടിരിക്കുകയാണ്. ഓരോ ബ്രഹ്മാണ്ഡത്തിലും കൽപ്പങ്ങളും മന്വന്തരങ്ങളും യുഗങ്ങളും കൊല്ലങ്ങളും മാസങ്ങളും ദിവസങ്ങളും മാറി മാറി ഉണ്ടാവുന്നു. ഇപ്രകാരം ശ്രീകൃഷ്ണഭഗവാന്റെ അവതാരങ്ങൾ ആർക്കും തിട്ടപ്പെടുത്താൻ കഴിയാത്തവിധം ഈ സമയത്തും നടന്നുകൊണ്ടിരിക്കുന്നു. അതാണ്, ‘സംഭവാമി യുഗേ യുഗേ’ എന്നു പറയുന്നത്.
പ്രതികരിക്കാൻ ഇവിടെ എഴുതുക: