ഇംഫാല്: മണിപ്പൂര് മുഖ്യമന്ത്രി ഒക്റാം ഇബോബി സിങിനു നേരെ വധശ്രമം. തലനാരിഴയ്ക്കാണ് അദ്ദേഹം വധശ്രമത്തില്നിന്ന് രക്ഷപ്പെട്ടത്. ഇന്നു രാവിലെ 10.30ഓടെയാണ് ആക്രമണം നടന്നത്. ആക്രമണത്തില് രണ്ട് മണിപ്പൂര് റൈഫിള്സ് ജവാന്മാര്ക്ക് പരുക്കേറ്റു.
ഉഖ്രൂല് ജില്ലാ ആസ്ഥാനത്തിന് സമീപം ഇബോബി സിങ് സഞ്ചരിച്ച ഹെലികോപ്റ്ററിനുനേരെ ഭീകരർ വെടിയുതിര്ക്കുകയായിരുന്നു. മണിപ്പൂര് തലസ്ഥാനമായ ഇംഫാലില്നിന്നും ഹെലികോപ്റ്റര് മാര്ഗം ഉഖ്രൂലില് എത്തിയ മുഖ്യമന്ത്രി, ഹെലികോപ്റ്ററില് നിന്നിറങ്ങാന് ഒരുങ്ങുമ്പോഴായിരുന്നു ആക്രമണം. ഉഖ്രൂലില് ആശുപത്രി ഉദ്ഘാടനത്തിന് എത്തിയതായിരുന്നു ഇബോബി സിങ്.
ഇബോബി സിങ്ങിന് നേരെ വധശ്രമം ഉണ്ടാകുന്നത് ഇതാദ്യമല്ല. സംഭവത്തെ കുറിച്ച് അന്വേഷണം നടത്തുമെന്ന് അധികൃതർ വ്യക്തമാക്കി.
പ്രതികരിക്കാൻ ഇവിടെ എഴുതുക: