പത്തനാപുരം: തലവൂര് കുര മൂഴി ഏലക്കു സമീപമാണു സംരക്ഷണഭിത്തി തകര്ന്ന് തോട് കര്ഷകര്ക്കും കൃഷിവിളകള്ക്കും ഭീഷണിയാകുന്നത്. സംരക്ഷണഭിത്തി തകര്ന്ന് നാളുകള് പിന്നിടുമ്പോഴും പരാതികള് കൂടുന്നതല്ലാതെ അധികൃതരുടെ യാതൊരു നടപടിയും ഉണ്ടാകുന്നില്ലെന്ന ആക്ഷേപം ശക്തമാണ് . ഇരുപത് വര്ഷം മുമ്പാണ് തോടിന് സംരക്ഷണ ഭിത്തി നിര്മ്മിച്ചത്. കുര മേല്പ്പാലം, തലവൂര് തൃക്കൊന്നമര്ക്ഷേത്രം എന്നിവിടങ്ങളിലെ ഏക്കറോളം വരുന്ന ഏലയിലാണു കര്ഷകര് നെല്ലുള്പ്പെടെ കൃഷിയിറക്കിയിരിക്കുന്നത്. സംരക്ഷണഭിത്തിയില് മിക്കയിടങ്ങളിലും കല്ക്കെട്ടുകള് ഇടിഞ്ഞ് തോട്ടിലെ വെള്ളം ഏലയിലേക്കു കയറുന്ന സ്ഥിതിയാണ്. കര്ഷകരുടെ പ്രയത്നമെല്ലാം മലവെള്ളപ്പാച്ചിലില് ഒലിച്ചുപോകുന്ന സ്ഥിതിയാണ്. ചെറിയ ചാറ്റല്മഴയില് പോലും തോട്ടിലെ വെള്ളം ഏലയില് ഒഴുകുന്നത് നെല്കര്ഷകരെയും പച്ചക്കറി കര്ഷകരെയുമെല്ലാം ഒരുപോലെ ബാധിച്ചിരിക്കയാണ്. ലക്ഷങ്ങള് കടബാധ്യതയുമായി കൃഷിയിറക്കിയ കര്ഷകര്ക്കു വന്നഷ്ടമാണു സംഭവിച്ചിരിക്കുന്നത്. പരാതികളുമായി തണ്ണീര്ത്തട സംരക്ഷണസമിതി, ഗ്രാമപഞ്ചായത്ത്, വില്ലേജ് അധികൃതരെ സമീപിച്ചെങ്കിലും നിരാശയായിരുന്നു ഫലം. ഉടന് നടപടി സ്വീകരിക്കാമെന്ന് വാഗ്ദാനങ്ങള് മാത്രം ബാക്കി. കൃഷിനിലങ്ങള് സംരക്ഷിക്കുന്നതിനായി സംരക്ഷണഭിത്തി കെട്ടാന് നടപടികള് സ്വീകരിച്ചില്ലെങ്കില് സമര പരിപാടികള്ക്ക് ആരംഭിക്കാനാണ് കര്ഷകരുടെ തീരുമാനം.ലയണ്സ് ക്ലബ്ബ് ഓഫ് ചവറ പീസ് പോസ്റ്റര് മത്സരം
കൊല്ലം: ലയണ്സ് ക്ലബ്ബ് ഓഫ് ചവറയുടെ ആഭിമുഖ്യത്തില് തേവലക്കര ഹോളി ട്രിനിറ്റി ആംഗ്ലോ ഇന്ത്യന് സ്കൂളില്വച്ച് പീസ് പോസ്റ്റര് കണ്ടെസ്റ്റ് നടത്തി. ഇരുപത്തഞ്ചോളം സ്കൂളുകളില് നിന്നായി 40 കുട്ടികള് മത്സരത്തില് പങ്കെടുത്തു. ചവറ ലയണ്സ് ക്ലബ്ബ് പ്രസിഡന്റ് സി.പി.ഹരിലാലിന്റെ അദ്ധ്യക്ഷതയില് പീസ് പോസ്റ്റര് മത്സരം ജില്ലാ ചെയര്പേഴ്സണ് രശ്മി നായര് ഉദ്ഘാടനം ചെയ്തു. ലയണ്സ് സെക്ടര് കോ-ചെയര്പേഴ്സണ് ഡോ.സുജിത്ത്, ചവറ ലയണ്സ് ക്ലബ്ബ് സെക്രട്ടറി ഡോ.വി. സുജിത്ത്, അഭിലാഷ് ചന്ദ്രന് എന്നിവര് സംസാരിച്ചു.
മത്സരത്തില് എം.എന്.പി.എം സെന്ട്രല് സ്കൂളിലെ ശ്രീരാഗ് ഒന്നാം സ്ഥാനവും വടക്കുംതല എസ്.വി.പി.എം സ്കൂളിലെ കൃഷ്ണരാജ് രണ്ടാംസ്ഥാനവും തെക്കന്ഗുരുവായൂര് എച്ച്.എസിലെ അഖിത മൂന്നാം സ്ഥാനവും നേടി. പങ്കെടുത്ത മുഴുവന് വിദ്യാര്ത്ഥികള്ക്കും പ്രോത്സാഹനസമ്മാനങ്ങള് നല്കി. ലയണ്സ് ക്ലബ്ബ് പ്രസിഡന്റ് റസീനാ ഷാജു, ഹരികുമാര്, അജേഷ്ചന്ദ്രന് എന്നിവര് പരിപാടികള്ക്ക് നേതൃത്വം നല്കി.
പ്രതികരിക്കാൻ ഇവിടെ എഴുതുക: