കൊച്ചി: നവദേശീയതാ കാലത്ത്’ രാഷ്ട്രീയ സ്വാതന്ത്ര്യം എന്ന ആശയം അധികാരകേന്ദ്രീകരണം എന്ന യാഥാര്ത്ഥത്തിന് വഴിമാറിക്കൊടുക്കുന്നുവെന്ന് എം.എല്. ജോണി. കേരള ലളിതകലാ അക്കാദമി എറണാകുളത്ത് സംഘടിപ്പിച്ച യൂസഫ് അറയ്ക്കല് സ്മാരക പ്രഭാഷണ പരമ്പരയില് പങ്കെടുത്തു സംസാരിക്കുകയായിരുന്നു അദ്ദേഹം. ദേശീയത എന്ന ബോധവും സംവര്ഗ്ഗവും കലാകാരനെ എന്നും പ്രചോദിപ്പിച്ചിട്ടുണ്ടെന്നും ഏതൊരു ദേശത്തിന്റെയും രാഷ്ട്രീയ സ്വാതന്ത്ര്യവുമായി ബന്ധപ്പെട്ടാണ് ദേശീയത എന്ന ആശയം ആദ്യം പ്രത്യക്ഷപ്പെടുന്നതെന്നും ആയതിനാല് ആ രാഷ്ട്രീയ ബോധം കലാകാരനെയും ചില നിലപാടുകള് അത് സംബന്ധിച്ച് എടുക്കാന് പ്രേരിപ്പിക്കുന്നുവെന്നും എം.എല്. ജോണി പറഞ്ഞു. കേരള ലളിതകലാ അക്കാദമി ചെയര്മാന് സത്യപാല് അദ്ധ്യക്ഷത വഹിച്ച യോഗത്തില് സെക്രട്ടറി പൊന്ന്യം ചന്ദ്രന് സ്വാഗതം പറഞ്ഞു. ഇന്ന് ‘സെന്സിറ്റിവിറ്റി ഇന് ഡിസൈന്’ എന്ന വിഷയത്തെക്കുറിച്ച് പ്രശസ്ത വാസ്തുശില്പി ജയ്ഗോപാല് റാവു പ്രഭാഷണം നടത്തും.
പ്രതികരിക്കാൻ ഇവിടെ എഴുതുക: