വാഷിങ്ടണ്: അമേരിക്കന് റിപ്പബ്ലിക്കന് പ്രസിഡന്റ് സ്ഥാനാര്ത്ഥി ഡൊണാള്ഡ് ട്രംപിന്റെ മരുമകള് ഭാരത വംശജര്ക്കൊപ്പം ഹിന്ദു ക്ഷേത്രത്തില് ദീപാവലി ആഘോഷിച്ചു.
രണ്ടാമത്തെ മകന് എറിക് ട്രംപിന്റെ ഭാര്യ ലാറ ട്രംപ് വിര്ജീനിയയിലെ രാജധാനി ക്ഷേത്രാങ്കണത്തിലാണ് ദീപാവലി ആഘോഷിച്ചത്.
ട്രംപിന്റെ മകള് ഇവാങ്ക ട്രംപും ആഘോഷത്തില് പങ്കെടുക്കാന് താത്പ്പര്യം പ്രകടിപ്പിച്ചെങ്കിലും തെരഞ്ഞെടുപ്പ് പ്രചാരണം മൂലം സാധിച്ചില്ല. ഭാരത അമേരിക്കന് സമുദായം 2000ലാണ് ഈ ക്ഷേത്രം ആരംഭിച്ചത്. എന്നാല് പ്രസിഡന്റ് സ്ഥാനാര്ത്ഥിയുടെ കുടുംബാംഗങ്ങള് ക്ഷേത്രം സന്ദര്ശിക്കുന്നത് ഇത് ആദ്യമാണെന്ന് ക്ഷേത്ര ഭാരവാഹികള് അറിയിച്ചു.
പ്രതികരിക്കാൻ ഇവിടെ എഴുതുക: