പറവൂര്: തീവ്രവാദത്തെ പ്രോത്സാഹിപ്പിക്കുന്ന ഇടതു വലതു മുന്നണികളുടെ നിലപാട് രാജ്യത്തിന് ആപല്ക്കരമാണെന്ന് ഹിന്ദു ഐക്യവേദി സംസ്ഥാന ജനറല് സെക്രട്ടറി ഇ.എസ്. ബിജു അഭിപ്രായപ്പെട്ടു. ഭീകരവാദം പഠിപ്പിക്കുന്ന തത്തപ്പിള്ളിയിലെ പീസ് ഇന്റര്നാഷണല് സ്കൂളിലേക്ക് ഹിന്ദു ഐക്യവേദി നടത്തിയ ബഹുജന മാര്ച്ച് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ഭരണപക്ഷവും പ്രതിപക്ഷവും കേവലം വോട്ട് ബാങ്ക് രാഷ് ട്രീയത്തിന് വേണ്ടി മതതീവ്രവാദികളെ സഹായിക്കുന്ന നിലപാടാണ് എന്നും എടുത്തിട്ടുള്ളത്. കാശ്മീരില് പണ്ഡിറ്റുകള്ക്കുണ്ടായ അവസ്ഥ കേരളത്തില് ഹിന്ദുക്കള്ക്ക് വരാനുള്ള സ്ഥിതിവിശേഷത്തിലേക്കാണ് കാര്യങ്ങള് പോയി കൊണ്ടിരിക്കുന്നതെന്നും ഐഎസ് പോലുള്ള മതഭീകര സംഘടനയിലേക്ക് ആളുകളെ റിക്രൂട്ട് ചെയ്യുന്ന പീസ് ഇന്റര് നാഷ്ണല് സ്കൂളുകള് അടച്ചു പൂട്ടി അധികൃതരെ അറസ്റ്റ് ചെയ്യുവാന് തയ്യാറാകണമെന്നും അദ്ദേഹം ആവശ്യപ്പെട്ടു .
മന്നം ജംങ്ഷനില് നിന്നാരംഭിച്ച മാര്ച്ച് സ്കൂളിനു മുന്നില് പോലീസ് തടഞ്ഞു. ബിഡിജെഎസ് ജില്ലാ പ്രസിഡന്റ് എ.ബി. ജയപ്രകാശ്, കെപിഎംഎസ് പറവൂര് താലൂക്ക് പ്രസിഡന്റ്പ്രൊഫ:എം. മോഹന്, ഹിന്ദു ഐക്യവേദി സംസ്ഥാന സെക്രട്ടറി കെ.പി. സുരേഷ്, ടി.വി. വേണു എന്നിവര് പ്രസംഗിച്ചു. ജില്ലാ ജനറല് സെക്രട്ടറിമാരായ എ.ബി. ബിജു, കെ.ആര്. രമേഷ് , പി.സി. ബാബു , താലൂക്ക് പ്രസിഡന്റ് കെ.ജി. മധു, എം.സി. സാബു ശാന്തി, എം.എല്. സുരേഷ്, പ്രൊഫ. സതീശ ബാബു എന്നിവര് നേതൃത്വം നല്കി.
പ്രതികരിക്കാൻ ഇവിടെ എഴുതുക: