കോട്ടയം : ഹിന്ദു ഐക്യവേദി സംസ്ഥാന അദ്ധ്യക്ഷ കെ.പി.ശശികല ടീച്ചറെ ജാമ്യമില്ലാ വകുപ്പ് പ്രകാരം കള്ളക്കേസെടുത്തതില് പ്രതിഷേധിച്ച് കോട്ടയത്ത് ഐക്യവേദി പ്രവര്ത്തകര് പ്രതിഷേധപ്രകടനം നടത്തി.
തിരുനക്കരയില് നിന്നും ആരംഭിച്ച പ്രകടനം നഗരം ചുറ്റി പഴയ ബസ്റ്റാന്റിന് സമീപം അവസാനിച്ചു. തുടര്ന്ന് നടന്ന പ്രതിഷേധ യോഗം ഹിന്ദു ഐക്യവേദി സംസ്ഥാന ജനറല് സെക്രട്ടറി ഇ.എസ്.ബിജു ഉദ്ഘാടനം ചെയ്തു. ബിജെ.പി സംസ്ഥാന സമിതിയംഗം ടി.എന്.ഹരികുമാര്, ഹിന്ദു ഐക്യവേദി ജില്ലാ ജനറല് സെക്രട്ടറി ശ്രീകാന്ത് തിരുവഞ്ചൂര് എന്നിവര് സംസാരിച്ചു. ആര്എസ്എസ് നേതാക്കളായ ഹരി പനയക്കഴിപ്പ്, മനു പാറമ്പുഴ, പ്രവീണ് മറിയപ്പള്ളി, ബിജെപി നേതാക്കളായ ബിനു.ആര്. വാര്യര്, കെ.പി.ഭുവനേശ്, രണരാജന്, ഹരികുമാര്, ഹിന്ദു ഐക്യവേദി നേതാക്കളായ പി.ആര്.ശിവരാജന്, ആശ അജികുമാര്, ജയമോന് പുതുപ്പള്ളി, ജയന്തി ജയമോന് എന്നിവര് പ്രകടനത്തിന് നേതൃത്വം നല്കി.
വൈക്കം: ശശികല ടീച്ചറെ അറസ്റ്റുചെയ്യാന് നടത്തുന്ന നീക്കത്തിനെതിരേ ഹിന്ദു ഐക്യവേദിയുടെ ആഭിമുഖ്യത്തില് നഗരത്തില് പ്രതിഷേധ പ്രകടനം നടത്തി. ഹിന്ദു ഐക്യവേദി താലൂക്ക് പ്രസിഡന്റ് എം.വി. സനല്, സെക്രട്ടറി കെ.ഡി.സന്തോഷ്, ആര്എസ്എസ് താലൂക്ക് കാര്യവാഹ് എം.മനു, ബിജെപി മണ്ഡലം ജനറല് സെക്രട്ടറിമാരായ പി.ആര്. സുഭാഷ്, രൂപേഷ് ആര് മേനോന്, എസ്.അപ്പു, കെ.ആര്. രാജേഷ്, ശ്രീകുമാര് തുടങ്ങിയവര് പങ്കെടുത്തു.
പ്രതികരിക്കാൻ ഇവിടെ എഴുതുക: