തിരുവനന്തപുരം: സംസ്ഥാനത്ത് വെടിക്കെട്ടിനുള്ള നിയന്ത്രണങ്ങള് എക്സ്പ്ലോസിവ് വിഭാഗം കര്ശനമാക്കി. രാത്രി പത്തിനും രാവിലെ ആറിനും ഇടയില് വെടിക്കെട്ട് പാടില്ല. ഗുണ്ടും അമിട്ടും അടക്കമുള്ള സ്ഫോടക ശേഷിയുള്ളവക്ക് നിയന്ത്രണം ഏര്പ്പെടുത്തിയിട്ടുണ്ട്.
സംസ്ഥാനത്ത് പൊട്ടാസ്യം ക്ളോറേറ്റടക്കമുള്ള നിരോധിത രാസവസ്തുക്കളുടെ ഉപയോഗം വ്യാപകമാണെന്നും എക്സ്പ്ലോസിവ് വിഭാഗം കണ്ടെത്തി. ഇതുസംബന്ധിച്ച് ജില്ലാ ഭരണകൂടങ്ങള്ക്ക് സര്ക്കുലര് നല്കി.
കൊല്ലം പുറ്റിങ്ങല് അപകടത്തിന് ശേഷം നടത്തിയ പഠനങ്ങള്ക്ക് ശേഷമാണ് നിയന്ത്രണം കര്ശനമാക്കിയത്. വെടിക്കെട്ടിന് അപേക്ഷിക്കുമ്പോള് പ്രദേശത്തിന്റെ ശാസ്ത്രീയമായ അപകട സാധ്യതാ പഠനം നടത്തി ദുരന്തനിവാരണ സംവിധാനങ്ങളൊരുക്കണം. ഇത് തൃപ്തികരമെങ്കില് മാത്രമേ വെടിക്കെട്ടിന് അനുമതി നല്കൂ.
ശബ്ദതീവ്രതയും ദൂരപരിധിയും അടക്കം 2008ലെ എക്സ്പ്ലോസീവ് റൂളിലെ എല്ലാ നിബന്ധനകളും കര്ശനമാക്കിയാണ് ഡെപ്യൂട്ടി ചീഫ് കണ്ട്രോളര് ഓഫ് എക്സ്പ്ളോസീവ് സര്ക്കുലര് ഇറക്കിയിട്ടുള്ളത്.
പ്രതികരിക്കാൻ ഇവിടെ എഴുതുക: