പടിഞ്ഞാറത്തറ : പടിഞ്ഞാറത്തറ – പൂഴിത്തോട് ചുരം ബദല് റോഡ് യാഥാര്ത്ഥ്യമാക്കണമെന്നാവശ്യപ്പെട്ട് സമര സഹായ സമിതി നടത്തുന്ന അനിശ്ചിതകാല സമരത്തിന് ബി ജെപി പിന്തുണ പ്രഖ്യാപിച്ചു. പിന്തുണ അറിയിച്ചുകൊണ്ട് ബിജെപി ജില്ല അധ്യക്ഷന് സജി ശങ്കറും മറ്റ് നേതാക്കളും സമരപന്തലിലെത്തി. ഇരുപത്തി ഏഴര കിലോമീറ്റര് ദൂരം മാത്രമുള്ള കോഴിക്കോട്വയനാട് ജില്ലകളെ ബന്ധിപ്പിക്കുന്ന ചുരമില്ലാത്ത ബദല് റോഡാണിത്. 2005ല് മലയോര ഹൈവേയായി സര്ക്കാര് പ്രഖ്യാപിച്ചതാണിത്. പന്ത്രണ്ട് കിലോമീറ്റര് ദൂരം മാത്രമാണ് ഇതില് ഗതാഗത യോഗ്യമല്ലാത്ത സ്ഥിതിയില് നിലനില്ക്കുന്നത്.ഈ റോഡിന് വേണ്ടി മാത്രം വടകരയില് ഒരു ഓഫീസ് പ്രവര്ത്തിക്കുന്നുണ്ട്. യാതൊരു നടപടിയും ആ ഓഫീസ് മുഖാന്തരം ഈ റോഡിന് വേണ്ടി നടപ്പിലാക്കാന് ശ്രമിച്ചിട്ടില്ല. കേന്ദ്ര ഉപരിതല ഗതാഗത വകുപ്പ് മന്ത്രിയുടെ മുമ്പില് പോലും ഈ വിഷയം എത്തിയിട്ടുണ്ട്. എന്നാല് സംസ്ഥാന ഗവണ്മെന്റ് ആവശ്യപ്പെടുന്ന ഒരു പ്രൊജക്ടിന്റെ അടിസ്ഥാനത്തില് മാത്രമേ കേന്ദ്ര സര്ക്കാറിന് ഈ വിഷയത്തില് ഇടപെടാന് സാധിക്കൂ. സ്ഥലം എംഎല്എ അടക്കമുള്ള ആളുകള് ഈ വിഷയത്തില് ഇടപെട്ട് ഈ പാത യാഥാര്ത്ഥ്യമാക്കാനുള്ള നടപടികള് സ്വീകരിക്കണമെന്നും ബിജെപി ജില്ലാ അധ്യക്ഷന് സജി ശങ്കര് ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: