കോഴിക്കോട്: കോംട്രസ്റ്റ് സമരത്തില് അണിചേര്ന്ന് പുരോഗമന കലാസാഹിത്യസംഘം ഭാരവാഹികളും. കോംട്രസ്റ്റ് ചരിത്ര സ്മാരകമായി സംരക്ഷിക്കണമെന്നാവശ്യപ്പെട്ട് നാട്ടുമരച്ചോട്ടില് സാംസ്ക്കാരിക സദസിലാണ് പു.കാ.സ നേതാക്കള് പങ്കെടുത്തത്. കോംട്രസ്റ്റ് സമരത്തില് നിന്ന് സിപിഎമ്മും സിഐടിയും വിട്ടുനില്ക്കുന്നതിനിടയിലാണ് പുകാസക്കാര് കോംട്രസ്റ്റ് പരിസരത്ത് ഇന്നലെ വൈകീട്ട് നടന്ന സാംസ്കാരിക സദസില് അണിചേര്ന്നത്.
സ്വാതന്ത്ര്യസമരസേനാനി പി.വാസു സാംസ്കാരിക സദസ് ഉദ്ഘാടനം ചെയ്തു. സംഘാടകസമിതി ചെയ ര്മാന് വില്സണ് സാമുവല് അധ്യക്ഷത വഹിച്ചു. എ.പ്രദീപ്കുമാര് എംഎല്എ കല്പറ്റ നാരായണന്, ഡോ. പ്രദീപന് പാമ്പിരിക്കുന്ന്, പോള്കല്ലാനോട്, ജാനമ്മകുഞ്ഞുണ്ണി, തായാട്ട് ബാലന്, ജീവന് തോമസ്, വി.ടി. സുരേഷ്, ഏണസ്റ്റ് എടപ്പള്ളി,എം.എം. സജീന്ദ്രന് തുടങ്ങിയവര് പ്രസംഗിച്ചു. അനില്കുമാര് തിരുവോത്ത് സ്വാഗതവും വിനോദ് കറുത്തേടത്ത് നന്ദി യും പറഞ്ഞു.
അനുഭാവ സൂചകമായി ചിത്രകാരന്മാരുടെ ആഭിമുഖ്യത്തില് ചിത്രരചന നടത്തി. ഇന്നലെ ഉച്ചക്ക് 2ന് കോംട്രസ്റ്റ് പരിസരത്ത് നടന്ന ചിത്രരചനയില് ഇ. സുധാകരന്, അജയന് കാരാടി, ജി.എസ്. സ്മിത, ശാന്ത പന്നിയങ്കര, സംഗീത് ബാലചന്ദ്രന്, രഞ്ജിത്ത് കെ.കെ, ഷബീറലി കില്ത്താന്, ദിലീപ്ബാലന് കല്ലായി എന്നിവര് പങ്കാളികളായി.
പ്രതികരിക്കാൻ ഇവിടെ എഴുതുക: