കണ്ണൂര്: ജില്ലയിലെ ഒരു സര്ക്കാര് സ്ഥാപനത്തില് ഫാം ലേബര് തസ്തികയില് 300 രൂപ ദിവസക്കൂലി അടിസ്ഥാനത്തില് 5 താല്ക്കാലിക ഒഴിവുകള്. മുസ്ലീം, ധീവര, വിശ്വകര്മ്മ, പട്ടികജാതി, ധീവര (സ്ത്രീകള് മാത്രം) എന്നീ വിഭാഗങ്ങളില് ഓരോ ഒഴിവുകളാണുള്ളത്. പുരുഷന്മാര്ക്ക് തെങ്ങിലും മരത്തിലും കയറാനുള്ള കഴിവും കാര്ഷിക ജോലിയില് പ്രാവീണ്യവും വേണം. സ്ത്രീകള് കാര്ഷിക ജോലിയില് പ്രാവീണ്യമുള്ളവരായിരിക്കണം. താല്പര്യമുള്ളവര് അസ്സല് സര്ട്ടിഫിക്കറ്റുകളും എംപ്ലോയ്മെന്റ് രജിസ്ട്രേഷന് കാര്ഡും സഹിതം ഡിസംബര് 6 നകം എംപ്ലോയ്മെന്റ് എക്സ്ചേഞ്ചില് നേരിട്ട് ഹാജരാകണം.
ക്വട്ടേഷന് ക്ഷണിച്ചു
കണ്ണൂര്: ഗവ. എഞ്ചിനീയറിംഗ് കോളേജിലെ എ, ബി & സി ബ്ലോക്കുകളിലേക്ക് ഗ്രില്സ് സ്ഥാപിക്കുന്നതിന് ക്വട്ടേഷന് ക്ഷണിച്ചു. ഡിസംബര് 14 ഉച്ചക്ക് 2 മണി വരെ ക്വട്ടേഷന് സ്വീകരിക്കും. ഫോണ് 0497 2780226.
ഗവ. എഞ്ചിനീയറിംഗ് കോളേജിലെ സി ബ്ലോക്കിലെ ഇല്ക്ട്രോണിക്സ് ആന്റ് എഞ്ചിനീയറിംഗ് ക്ലാസ്സ് മുറികളില് പെയിന്റ് ചെയ്യുവാന് ക്വട്ടേഷന് ക്ഷണിച്ചു. ഡിസംബര് 15 വൈകിട്ട് 3 മണി വരെ ക്വട്ടേഷന് സ്വീകരിക്കും. ഫോണ് 0497 2780226.
നാളെ വൈദ്യുതി മുടങ്ങും
കണ്ണൂര്: ധര്മ്മശാല ഇലക്ട്രിക്കല് സെക്ഷന് പരിധിയിലുള്ള മുഴുവന് ഭാഗങ്ങളിലും നാളെ രാവിലെ 8 മുതല് വൈകുന്നേരം 5 മണി വരെ വൈദ്യുതി മുടങ്ങും. മാങ്ങാട് 110 കെ വി സബ് സ്റ്റേഷനില് അറ്റകുറ്റപ്പണി നടക്കുന്നതിനാല് സബ് സ്റ്റേഷനിലെ 11 കെ വി ഫീഡറുകളില് നാളെ രാവിലെ 8.30 മുതല് വൈകുന്നേരം 4 മണി വരെ വൈദ്യുതി മുടങ്ങും.
രേഖകള് ഹാജരാക്കണം
കണ്ണൂര്: ഭാഗ്യക്കുറി ക്ഷേമപെന്ഷന് ആധാര് നമ്പറുമായി ബന്ധിപ്പിക്കുന്നതിനായി ജില്ലാ ഭാഗ്യക്കുറി ക്ഷേമനിധി പെന്ഷണര്മാര് ആധാര് കാര്ഡിന്റെ പകര്പ്പ്, മെമ്പര്ഷിപ്പ് നമ്പര്, റേഷന് കാര്ഡിന്റെ പകര്പ്പ് എന്നിവ ജില്ലാ ഭാഗ്യക്കുറി ക്ഷേമനിധി ഓഫീസില് എത്തിക്കണമെന്ന് ഓഫീസര് അറിയിച്ചു.
ജലസ്രോതസ്സുകളുടെ
ശുചീകരണത്തിന് തുടക്കമായി
പയ്യാവൂര്: ഗ്രാമപഞ്ചായത്തിന്റെ ‘ശുചിത്വ ഗ്രാമം സുന്ദര ഗ്രാമം’ പദ്ധതിയുടെ ഭാഗമായി പഞ്ചായത്തിലെ മുഴുവന് ജലസ്രോതസുകളും ശുചീകരിക്കുന്ന ബൃഹത് പദ്ധതിക്ക് പയ്യാവൂരില് തുടക്കം കുറിച്ചു. പയ്യാവൂര് ടൗണിനു സമീപമുള്ള മുരിക്കടവ് പുഴയില് വെച്ച് കെ.സി ജോസഫ് എംഎല്എ ശുചീകരണ പ്രവൃത്തി ഉദ്ഘാടനം ചെയ്തു പഞ്ചായത്ത് പ്രസിഡണ്ട് ഡെയ്സി ചിറ്റൂപറമ്പില് അദ്ധ്യക്ഷത വഹിച്ചു വൈസ് പ്രസിഡണ്ട് ടി.പി.അഷ്റഫ്, ജില്ലാ പഞ്ചായത്തംഗം പി.കെ.സരസ്വതി, ബ്ലോക്ക് പഞ്ചായത്തംഗം വത്സല സാജു എന്നിവര് സംസാരിച്ചു ആഗ്നസ് വാഴപ്പള്ളി സി.പി.ജോസ്, ബിനോയി ആലുങ്കത്തടം, സുഷ ബെന്നി, ആഗ്നസ് കോവാട്ട്, ജിജി പൂവത്തുംമണ്ണില്, സിന്ദു രവി, പി.കെ ബാലകൃഷ്ണന്, സെബാസ്റ്റ്യന് ഇടശ്ശേരി, പി ആര്.ഗോപി, സെക്രട്ടറി ഇ.വി .വേണുഗോപാല്, ഇരൂഡ് സേക്രട്ട് ഹാര്ട്ട് സ്കൂളിലെ സ്റ്റുഡന്റ് പോലീസ് കേഡറ്റുകള്,കുടുംബശ്രീ പ്രവര്ത്തകര്,തൊഴിലുറപ്പു പദ്ധതി തൊഴിലാളികള് എന്നിവര് പ്രവൃത്തിക്ക് നേതൃത്വം നല്കി. പത്ത് ദിവസം കൊണ്ട് പഞ്ചായത്തിലെ മുഴുവന് ജലസ്രോതസുകളും ശുചിയാക്കകയാണ് ലക്ഷ്യം. തുടര്ന്ന് പുഴക്കരകളിലും മറ്റും മുളകളും മരങ്ങളും നട്ടുവളര്ത്തും.
മണ്ഡല പൂജാ മഹോത്സവം :
പ്രഭാഷണം സംഘടിപ്പിച്ചു
അഴീക്കല്: അഴീക്കല് ശ്രീ പാമ്പാടി ആലിന് കീഴില് ക്ഷേത്രം കേന്ദ്രീകരിച്ച് ശബരിമല അയ്യപ്പ സേവാ സമാജം, അഴീക്കല് അയ്യപ്പ യോഗം സംഘടിപ്പിക്കുന്ന മണ്ഡല പൂജാ മഹോത്സവത്തിന്റെ ഭാഗമായി പ്രഭാഷണ പരിപാടി സംഘടിപ്പിച്ചു. ഇന്നലെ കാ.ഭാ.സുരേന്ദ്രന് പ്രഭാഷണം നടത്തി. സുരേഷ് വര്മ്മ അധ്യക്ഷത വഹിച്ചു.
പ്രതികരിക്കാൻ ഇവിടെ എഴുതുക: