കോട്ടയം: ക്ഷീരവികസനവും മൃഗസംരക്ഷണവും ഉല്പ്പാദനമേഖലയില് ഉള്പ്പെടുത്തി ക്ഷീരസംഘങ്ങള്ക്കും കര്ഷകര്ക്കും സഹായം നല്കുന്നതിനുള്ള പദ്ധതികള് തയ്യാറാക്കാന് ത്രിതലപഞ്ചായത്തുകള്ക്ക് നിര്ദ്ദേശം നല്കുമെന്ന് മന്ത്രി കെ. രാജു വ്യക്തമാക്കി. 75 ശതമാനം സബ്സിഡിയോടുകൂടി കറവമാടുകളെ ഇന്ഷുര് ചെയ്യുന്നതിനുള്ള നടപടികള് എടുത്തിട്ടുണ്ടെന്ന് മില്മ എറണാകുളം മേഖലാ യൂണിയന് കോട്ടയത്തു നടത്തിയ ഫാം ഇന്വസ്റ്റേഴ്സ് മീറ്റ് ഉദ്ഘാടനം ചെയ്ത് അദ്ദേഹം പറഞ്ഞു. ക്ഷീരസംഗങ്ങള്ക്ക് മേഖലാ യൂണിയന് നല്കുന്ന ഡിവിഡന്റ്-ബോണസ് എന്നിവയുടെ വിതരണോദ്ഘാടനം ഉമ്മന് ചാണ്ടി എംഎല്എ നിര്വ്വഹിച്ചു.
തിരുവഞ്ചൂര് രാധാകൃഷ്ണന് എംഎല്എ അദ്ധ്യക്ഷത വഹിച്ച ചടങ്ങില് ജോസ് കെ. മാണി എംപി മുഖ്യപ്രഭാഷണം നടത്തി. 50 ലിറ്ററില് കൂടുതല് പാല് ക്ഷീരസംഘത്തില് നല്കുന്നവര്ക്ക് മേഖലാ യൂണിയന് നല്കുന്ന ഫാം ഇന്സെന്റീവ് ക്ഷീരവികസനവകുപ്പ് ഡയറക്ടര് ജോര്ജ്ജുകുട്ടി ജേക്കബ് വിതരണം ചെയ്തു. മില്മ എറണാകുളം മേഖലാ യൂണിയന് ചെയര്മാന് പി.എ. ബാലന്മാസ്റ്റര്, മുന് ചെയര്മാന്മാരായ ടി.പി. മാര്ക്കോസ്, പി.എസ്. സെബാസ്റ്റ്യന് പ്രസംഗിച്ചു. മില്മയില്നിന്നും മൃഗസംരക്ഷണ വകുപ്പില്നിന്നും ബാങ്കുകള് വഴിയും ക്ഷീരകര്ഷകര്ക്ക് ലഭിക്കുന്ന വിവിധ സഹായപദ്ധതികളെ സംബന്ധിച്ച് മേഖലാ യൂണിയന് മാനേജര് ഡോ. ജോര്ജ് തോമസ്, വെറ്റിനറി ഓഫീസര് ഡോ. വിശ്വനാഥന് എന്നിവര് ക്ലാസെടുത്തു.
വാഴൂര്: ക്ഷീരമേഖലയില് കാലിത്തീറ്റയുടെ വിലവര്ദ്ധനവിന് പരിഹാരം കാണുന്നതിന് കേരള ഫീഡ്സിന്റെയും മില്മ കാലിത്തീറ്റയുടെയും ഉല്പാദനം വര്ദ്ധിപ്പിക്കാന് നടപടി സ്വീകരിച്ചതായി മന്ത്രി കെ. രാജു പറഞ്ഞു. വാഴൂര് ബ്ലോക്ക് ക്ഷീരകര്ഷക സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
റബര് വിലയിടിവിനെ തുടര്ന്ന് പ്രതിസന്ധി നേരിടുന്ന റബര് കര്ഷകരെയും അന്യദേശ ജോലിക്ക് ശേഷം തിരിച്ചു വന്നവരേയും ക്ഷീരമേഖലയിലേയ്ക്ക് കൊണ്ടുവരുന്നതിന് ആകര്ഷകരമായ നടപടികള് സ്വീകരിക്കും. എല്ലാ പശുക്കള്ക്കും ഇന്ഷുറന്സ് ഏര്പ്പെടുത്തും. പ്രീമിയം തുകയുടെ 75 ശതമാനം സബ്സിഡി നല്കും. ക്ഷീര കര്ഷകരുടെ പെന്ഷന് 1000 രൂപയാക്കി ഉയര്ത്തിയിട്ടുണ്ടെന്നും മന്ത്രി അറിയിച്ചു. വാഴൂര് ചാമംപതാല് ഫാത്തിമ മാതാ ചര്ച്ച് പാരിഷ് ഹാളില് നടന്ന ചടങ്ങില് ഡോ.എന്.ജയരാജ് എം.എല്.എ അദ്ധ്യക്ഷത വഹിച്ചു. ബ്ലോക്കില് ഏറ്റവും കൂടുതല് പാല് അളന്ന കര്ഷകന്, കര്ഷക , ക്ഷീര സംഘം പ്രസിഡന്റ്, എന്നിവരെ ചടങ്ങില് ആദരിച്ച് സമ്മാനം നല്കി. പുതിയ ക്ഷീരസംഘങ്ങള്ക്കുള്ള പ്രവര്ത്തനാരംഭ ധനസഹായം, കന്നുകാലി പ്രദര്ശനമത്സരത്തില് വിജയിച്ചവര്ക്കുള്ള സമ്മാനം എന്നിവയും വിതരണം ചെയ്തു.
പ്രതികരിക്കാൻ ഇവിടെ എഴുതുക: