വീടുകളിലും തൊഴില്സ്ഥാപനങ്ങളിലും വാഹനങ്ങളിലും ഐശ്വര്യവര്ദ്ധനവിനായി ദേവീദേവന്മാരെ ചക്രരൂപത്തില് (യന്ത്രരൂപത്തില്) ആരാധിക്കുന്നതിന് സഹസ്രാബദ്ദങ്ങളുടെ പഴക്കമുണ്ട്. ഇതിനായി താന്ത്രിക വിധി പ്രകാരമുളളവൃത്തങ്ങളും കോണുകളും അതീവസൂക്ഷമതയോടെ വരച്ച് അതത് ദേവതകളുടെ മൂലമന്ത്രവും മന്ത്രഗായത്രി, യന്ത്രഗായത്രി എന്നീ പൊതുവായ മന്ത്രങ്ങളും കൃത്യതയോടെ ആലേഖനം ചെയ്യുന്നു.
സ്വര്ണ്ണം, വെളളി, ചെമ്പ് എന്നീ ലോഹങ്ങളാണ് ഇതിനായി ഉപയോഗിക്കുന്നത് സുദര്ശന ചക്രം, ശ്രീചക്രം എന്നിവ കൂടുതല് വ്യപാകമായി ഉപയോഗിച്ചുവരുന്ന പൂജായന്ത്രങ്ങളാണ.് ശബരിമലയില് നിന്ന് മാത്രം ലഭിച്ചു വരുന്ന അയ്യപ്പചക്രം ഇക്കൂട്ടത്തില് വളരെയേറെ സവിശേഷതകള് അടങ്ങിയ പൂജാ യന്ത്രമാണ്.
നാലിഞ്ചു സമചതുരത്തില് ശുദ്ധമായ ചെമ്പുതകിടില് നിര്മ്മിച്ച് വെളളി പൂശിയ അയ്യപ്പചക്രത്തില് വൃത്തമദ്ധ്യത്തില് പ്രണവവും അയ്യപ്പസ്വാമിയുടെ പ്രാണപ്രതിഷ്ഠാ മന്ത്രവും ദിക്പാല ബീജങ്ങളും മന്ത്രഗായത്രി, യന്ത്രഗായത്രി എന്നിവയും വ്യക്തതയോടെ ആലേഖനം ചെയ്തിരിക്കുന്നു. അയ്യപ്പചക്രത്തെ യഥാവിധി ഉപാസിക്കുന്നത് വളരെയേറെ ഫലം നല്കുന്നതായി സ്വാമി ഭക്തര് സാക്ഷ്യപ്പെടുത്തുന്നു.
അതീവ സൂക്ഷ്മതയോടെ തയ്യാറാക്കിയ അയ്യപ്പ ചക്രമാണ് ശബരിമലയിലെ ദേവസ്വം ബോര്ഡ് കൗണ്ടറുകളില്നിന്ന് ലഭിക്കുന്നത്. ഇതിന് 200 രൂപ മാത്രമാണ് ദേവസ്വം ബോര്ഡ് ഈടാക്കി വരുന്നത്. അയ്യപ്പസ്വാമിയുടെ ചിത്രവും ദേവസ്വം ബോര്ഡിന്റെ ലോഗോയും അടങ്ങുന്ന ആകര്ഷകമായ പാക്കറ്റില് ലഭിക്കുന്ന അയ്യപ്പ ചക്രത്തിന്റെ സവിശേഷതകള് ആറ് ഭാഷകളില് രേഖപ്പെടുത്തിയിരിക്കുന്നു.
പ്രതികരിക്കാൻ ഇവിടെ എഴുതുക: