വൈറ്റില : ബാലഗോകുലം 10,11 തീയതികളില് സംഘടിപ്പിക്കുന്ന ജ്ഞാനയജ്ഞത്തിന്റെ ഭാഗമായി ജില്ലയിലെ വിവിധ നഗരങ്ങളില് സംഘടിപ്പിക്കുന്ന പുസ്തക ചര്ച്ചാസദസുകള് ഇന്ന് മുതല് ആരംഭിക്കും. ഇന്ന് വൈകീട്ട് 7 മണിക്ക് മരട് നഗരത്തില് പാഞ്ചജന്യം ഗോകുലം, നാളെ 8ന് തൃപ്പൂണിത്തുറ നഗരത്തില് മേക്കര ചാലിയാത്ത് ധര്മ്മ ദൈവക്ഷേത്രംഹാള് എന്നിവിടങ്ങളില് നടക്കുന്ന പുസ്തക ചര്ച്ചയില് ‘ബാലഗോകുലവും കാലിക മാറ്റവും’ എന്ന പുസ്തകവും തൃക്കാക്കര നഗരത്തിലെ വ്യാസവിദ്യാലയത്തില് 9ന് ഉച്ചയ്ക്ക് 2.30 ന് നടക്കുന്ന ചര്ച്ചസദസ്സില് ‘ഭഗിനി നിവേദിത’ എന്ന പുസ്തകവും ചര്ച്ചചെയ്യും. 10ന് ഇടപ്പള്ളി നഗരത്തില് സാഹിത്യവാഹിനി യാത്രയും പളളുരുത്തി, കൊച്ചി, എറണാകുളം, ചോറ്റാനിക്കര തുടങ്ങിയ നഗരങ്ങളിലെ തെരഞ്ഞെടുത്ത ഗോകുലകേന്ദ്രങ്ങളില് ബാലസാഹിത്യ പുസ്തകങ്ങളുടെ പ്രദര്ശനവും സംഘടിപ്പിക്കപ്പെടും. 11 ന് രാവിലെ 8 മണി മുതല് 4 വരെ ജില്ലയില് 45 ഗോകുലകേന്ദ്രങ്ങളിലായി അയ്യായിരം വിടുകള് ഗോകുലപ്രവര്ത്തകര് സന്ദര്ശിച്ച് ബാലസാഹിത്യഗ്രന്ഥങ്ങള് പരിചയപ്പെടുത്തും.
കുട്ടികളില് വായനാശീലം വളര്ത്തുകയും ബാലസാഹിത്യഗ്രന്ഥങ്ങള് പരിചയപ്പെടുത്തുകയും ചെയ്യുക എന്നതാണ് വര്ഷന്തോറും ഗീതാജയന്തിയോടനുബന്ധിച്ച് ബാലഗോകുലം സംഘടിപ്പിക്കുന്ന ജ്ഞാനയജ്ഞത്തിന്റെ ലക്ഷ്യമെന്ന് ബാലഗോകുലം കൊച്ചി മഹാനഗര് സമിതി അറിയിച്ചു.
പ്രതികരിക്കാൻ ഇവിടെ എഴുതുക: