കൊച്ചി: ഇരുപതാമത് രാജ്യാന്തര പുസ്തകോത്സവത്തില് കൊച്ചി ലിറ്ററേച്ചര് ഫെസ്റ്റിവല് ഇന്ന് മുതല് ആരംഭിക്കും. മൂന്ന് നാള് നീളുന്ന ലിറ്റ് ഫെസ്ററ് പുസ്തകോത്സവ നഗരി, ബിടിഎച്ച് ഓഡിറ്റോറിയം, സെന്റ് തെരേസാസ് കോളേജ് എന്നിവിടങ്ങളിലായാണ് നടക്കുന്നത്. രാജ്യത്തെ പ്രമുഖ എഴുത്തുകാരും അക്കാദമിക്ക് രംഗത്തെ പ്രഗത്ഭരും പങ്കെടുക്കും.
എറണാകുളത്തപ്പന് ഗ്രൗണ്ടിലെ പുസ്തകോത്സവ വേദിയില് രാവിലെ 10.30ന് സംസ്കൃതത്തില് നിന്നുള്ള ആദ്യ ജ്ഞാനപീഠ ജേതാവായ ഡോ.സത്യവ്രത ശാസ്ത്രി ഉദ്ഘാടനം ചെയ്യും. തുടര്ന്ന് അമീഷ് ത്രിപാഠിയുമായി ഡോ.ലത നായരും വൈകുന്നേരം അഞ്ചിന് വി പി ധനഞ്ജയനുമായി എ പ്രഭാകരനും മുഖാമുഖം നടത്തും. 2.30ന് ലോകസാഹിത്യവും നൊബേല് പുരസ്കാരവും എന്ന വിഷയത്തില് ഡോ.ടി പി ശ്രീനിവാസന്റെ പ്രഭാഷണം. 3.45ന് ‘ഇന്ത്യന് ക്ലാസിക്കുകള്’ ചര്ച്ച ഡോ.സത്യവ്രത ശാസ്ത്രി ഉദ്ഘാടനം ചെയ്യും. കേരളനടനം പുസ്തകപ്രകാശനം, എംഎല്എമാരായ വി.ഡി. സതീശന്, അനൂപ് ജേക്കബ് എന്നിവരുടെ പ്രഭാഷണം, നൃത്തസന്ധ്യ എന്നിവയും നടക്കും.
ബിടിഎച്ച് ഓഡിറ്റോറിയത്തില് ഉച്ചക്ക് 12 മുതല് തമിഴ് എഴുത്തുകാരന് പൊന്നീലന്റെ കൃതിയുടെ ഇംഗ്ലീഷ് പരിഭാഷ ‘ന്യൂ ദര്ശാനസ്’, പ്രൊഫ.മുളങ്കുന്നത്തുകാവ് കൃഷ്ണന് നമ്പ്യാരുടെ ‘അഷ്ടദളം’,പി ആര് സുദര്ശന് നായരുടെ ‘ഗീതാപാഠം’,പ്രശാന്തി ചൊവ്വരയുടെ ‘ഭവിഷ്യപുരാണ കഥകള്’,അഡ്വ.വിപത്മനാഭന്റെ ‘നേര്രേഖകള്’,എസ് സതീദേവിയുടെ ‘ഉഷാമലരികള്’,പ്രൊഫ.ഗീതാലയം ഗീതാകൃഷ്ണന്റെ ‘അനര്ഘങ്ങളായ ഭാരതരത്നങ്ങള്’തുടങ്ങിയ പുസ്തകങ്ങള് പ്രകാശനം ചെയ്യും. റീജ ജോസ് കഥ അവതരിപ്പിക്കും. സെന്റ് തെരേസാസ് കോളേജില് ഉച്ചക്ക് 2.30ന് തിരക്കഥാകൃത്ത് രാജേഷ് ജയരാമനുമായി സംവാദം നടക്കും.
പ്രതികരിക്കാൻ ഇവിടെ എഴുതുക: