കൊല്ലം: ഹരിതകേരളം മിഷന്റെ ഭാഗമായുള്ള ശുചീകരണപരിപാടിക്ക് ജില്ലയില് തുടക്കമായി. വിവിധ കേന്ദ്രങ്ങളില് ജനപ്രതിനിധികളും ഉദ്യോഗസ്ഥരും സാമൂഹ്യപ്രവര്ത്തകരും വിദ്യാര്ഥികളും പൊതുജനങ്ങളും ശുചീകരണ പ്രവര്ത്തനങ്ങളില് പങ്കുചേര്ന്നു.
പഴങ്ങാലം മുടീപ്പടീക്കല് കുളം നവീകരണ പരിപാടി മന്ത്രി ജെ.മേഴ്സിക്കുട്ടിയമ്മ ഉദ്ഘാടനംചെയ്തു. കല്ലുംതാഴം ജംഗ്ഷനില് നടന്ന ശുചീകരണ യജ്ഞത്തിന് എം.നൗഷാദ് എംഎല്എ നേതൃത്വം നല്കി. പെരുമണ് പ്രാഥമികാരോഗ്യകേന്ദ്രത്തില് നടന്ന ശുചീകരണ പരിപാടി എം.മുകേഷ് എംഎല്എ ഉദ്ഘാടനം ചെയ്തു. കളക്ട്രേറ്റ് വളപ്പില് നടന്ന ശുചീകരണം ജില്ലാ കളക്ടര് മിത്ര.ടി ഉദ്ഘാടനം ചെയ്തു. സബ് കളക്ടര് ഡോ.എസ്.ചിത്ര, അസിസ്റ്റന്റ് കളക്ടര് ആശ അജിത്ത്, എഡിഎം ഐ.അബ്ദുല് സലാം, വിവിധ വകുപ്പ് മേധാവികള്, ജീവനക്കാര്, സ്കൂള് വിദ്യാര്ഥികള് തുടങ്ങിയവര് പങ്കുചേര്ന്നു. കൊല്ലം കോര്പ്പറേഷന്റെ വിവിധ ഡിവിഷനുകളിലായി എട്ടോളം ജലസ്രോതസുകള് ശുചീകരിച്ചു. 55 ഡിവിഷനുകളിലും മാലിന്യ നിക്ഷേപം നടത്തുന്ന ഒരു സ്ഥലം കണ്ടെത്തി ശുചീകരണം നടത്തി. പ്രവര്ത്തനങ്ങള്ക്ക് അതത് മേഖലകളിലെ കൗണ്സിലര്മാര് നേതൃത്വം നല്കി. കൊല്ലം ജില്ലാ ആശുപത്രിയില് ട്രാക്കിന്റെ (ട്രോമാ കെയര് ആന്റ് റോഡ് ആക്സിഡന്റ് എയ്ഡ് സെന്റര് ഇന് കൊല്ലം) നേതൃത്വത്തില് നടത്തിയ ശുചീകരണ പരിപാടി ആര്ടിഒ ആര്.തുളസീധരന്പിള്ള ഉദ്ഘാടനം ചെയ്തു. ഡെപ്യൂട്ടി ഡിഎംഒ സി.ആര്.ജയശങ്കര് അധ്യക്ഷത വഹിച്ചു. കൊല്ലം ഈസ്റ്റ് പോലീസ് സ്റ്റേഷന് പരിസരത്ത് പോലീസ് സേനയുടെ നേതൃത്വത്തിലായിരുന്നു ശുചീകരണം.
വാളത്തുംഗല്: ഹരിതകേരളം പദ്ധതിക്ക് വാളത്തുംഗല് സര്ക്കാര് ഹയര്സെക്കണ്ടറി സ്കൂളില് തുടക്കമായി. വൃക്ഷതൈ നട്ട് കൊണ്ട് വാര്ഡ് കൗണ്സിലര് ഗിരിജാകുമാരിയാണ് പദ്ധതിയുടെ ഉദ്ഘാടനം നിര്വഹിച്ചത്. പ്രിന്സിപ്പല് വീണ ഹരിതകേരള പ്രതിജ്ഞ ചൊല്ലി കൊടുത്തു. ജയ, മുഹമ്മദ്സൂഫി, ഷാനവാസ്, എന്നിവര് സംസാരിച്ചു.
അഞ്ചാലുംമൂട്: നവകേരള സൃഷ്ടി ലക്ഷ്യമാക്കിയുള്ള ഹരിതകേരളം പദ്ധതി തൃക്കടവൂരില് തുടങ്ങി. തൃക്കടവൂര് സാമൂഹികാരോഗ്യ കേന്ദ്രത്തില് പരിസരശുചീകരണം നടത്തി. കോര്പറേഷന് വിദ്യാഭ്യാസ കായിക സ്ഥിരംസമിതി അധ്യക്ഷന് ടി.ആര്.സന്തോഷ് കുമാര് പദ്ധതി ഉദ്ഘാടനം ചെയ്തു. കടവൂര്, കോട്ടക്കകം, സികെപി എംഎം നഗര് റസിഡന്റ്സ് അസോസിയേഷന് ഭാരവാഹികള്, വിവിധ രാഷ്ട്രീയകക്ഷി നേതാക്കള്, പ്രവര്ത്തകര്, ആരോഗ്യവകുപ്പ്, കോര്പ്പറേഷന് ഉദ്യോഗസ്ഥര്, ഗ്രന്ഥശാല പ്രവര്ത്തകര് തുടങ്ങിയവര് ശുചീകരണത്തില് പങ്കെടുത്തു.
പ്രതികരിക്കാൻ ഇവിടെ എഴുതുക: