കൊല്ലം: തേവള്ളി ഉപതെരഞ്ഞെടുപ്പില് മത്സരിക്കുന്ന ബിജെപി സ്ഥാനാര്ത്ഥി കോകിലയുടെ അമ്മ ഷൈലജക്ക് വിജയാശംസകള് നേരാന് പാലക്കാട് നഗരസഭാ ചെയര്പേഴ്സണ് പ്രമീള ശശിധരനും കൗണ്സിലര്മാരും എത്തി. ഇന്നലെ വൈകിട്ട് അഞ്ചിന് തെരഞ്ഞെടുപ്പ് പ്രവര്ത്തനങ്ങളുടെ ഭാഗമായി ഓലയില് റോട്ടറിക്ലബ് ഹാളില് ബിജെപി സംഘടിപ്പിച്ച മഹിളാകണ്വന്ഷനില് പങ്കെടുക്കാനാണ് അവര് എത്തിയത്. ആത്മാര്ത്ഥതയുടെ പ്രതിരൂപങ്ങളായാണ് കേരളത്തിലെ ബിജെപി കൗണ്സിലര്മാരെ ജനങ്ങള് കാണുന്നതെന്ന് കണ്വന്ഷന് ഉദ്ഘാടനം ചെയ്ത പ്രമീളാശശിധരന് പറഞ്ഞു. കോകിലയും അത്തരത്തില് ജനങ്ങളുടെ മനസ്സില് ഇടംപിടിച്ച വ്യക്തിത്വമാണെന്നും കോകിലയുടെ അസാന്നിദ്ധ്യത്തില് തേവള്ളിയിലെത്തിയതെങ്കിലും ഇവിടുത്തെ അന്തരീക്ഷം സൂചിപ്പിക്കുന്നത് കോകില ഇപ്പോഴും ഇവിടുത്തെ ജനങ്ങളുടെ അരുകിലുണ്ടെന്നാണെന്നും പ്രമീള ശശിധരന് പറഞ്ഞു.
1995ല് അഞ്ചു കൗണ്സിലര്മാരുമായിട്ടാണ് ബിജെപി പാലക്കാട് നഗരസഭയില് പ്രവേശിക്കുന്നത്. തുടര്ന്ന് ഇങ്ങോട്ട് ആ അഞ്ചുവാര്ഡുകള് നിലനിര്ത്തിയപ്പോള് സമീപവാര്ഡുകള് കൂടി ബിജെപിക്ക് ഒപ്പം വന്നു. ജനമനസ് തൊട്ടറിയാന് ബിജെപിക്ക് മാത്രമേ കഴിയുകയുള്ളുവെന്നതിന്റെ ഉദാഹരണമാണ് പാലക്കാട് നഗരസഭ അധികാരം ബിജെപിക്ക് ലഭിച്ചത്. നാളെയുടെ പാര്ട്ടിയായി ബിജെപി മാറിയെന്നും അവര് പറഞ്ഞു. ദിവസം ചെല്ലുംതോറും കേരളത്തിലെ മറ്റുപാര്ട്ടികളില് നിന്നുള്ള പ്രവര്ത്തകര് ബിജെപിയിലേക്ക് എത്തുകയാണ്.
മോദി സര്ക്കാരിന്റെ അഴിമതിരഹിത ഭരണത്തിന്റെ പിന്തുണയാണിതെന്നും അവര് പറഞ്ഞു. കോകിലയുടെ ആത്മാവുറങ്ങുന്ന മണ്ണാണ് തേവള്ളിയെന്നും ഇനി ഈ മണ്ണ് അഴിമതിക്കാരും സ്വജനപക്ഷക്കാരുമായ ഇടതുവലതു മുന്നണികള്ക്ക് നല്കരുതെന്നും കണ്വന്ഷനില് പങ്കെടുത്ത അമ്മമാരോട് ആവശ്യപ്പെട്ടു. കോകിലയുടെ അമ്മയ്ക്ക് വേണ്ടി വോട്ട് അഭ്യര്ത്ഥിക്കേണ്ടത് തങ്ങളുടെ കടമയാണെന്നും സ്ഥാനാര്ത്ഥി ഷൈലജയിലൂടെ തേവള്ളിയിലെ വോട്ടര്മാര് കോകിലയെ ദര്ശിക്കണമെന്നും തുടര്ന്ന് സംസാരിച്ച പാലക്കാട് നഗരസഭാ വികസന സ്റ്റാറ്റിംഗ് കമ്മിറ്റി ചെയര്പേഴ്സണ് ബേബി പറഞ്ഞു. കോകില ആഗ്രഹിച്ച വികസനത്തിന്റെ തുടര്ച്ചക്ക് ഷൈലജയെ വിജയിപ്പിക്കണമെന്നും ആവശ്യപ്പെട്ടു. കേന്ദ്രം ഭരിക്കുന്ന ബിജെപി സര്ക്കാരിന്റെ വികസനപ്രവര്ത്തനങ്ങള് ഓരോന്നായി തേവള്ളിയില് നടപ്പിലാക്കിയ മഹനീയ വ്യക്തിത്വമായിരുന്നു കോകിലയെന്നും കേരളത്തിലെ മുഴുവന് ബിജെപിക്കാരും കോകിലയുടെ അമ്മ വിജയിച്ചുവെന്ന വാര്ത്ത കേള്ക്കാനാണ് ജനുവരി അഞ്ചിന് കാത്തിരിക്കുന്നതെന്നും ബിജെപി പ്രൊഫഷണല് സെല് സംസ്ഥാന കണ്വീനറും പാലക്കാട് നഗരസഭ കൗണ്സിലറുമായ എസ്പി അച്യുതാനന്ദന് പറഞ്ഞു. ബീന വിജയന് അദ്ധ്യക്ഷത വഹിച്ച കണ്വന്ഷനില് ബിജെപി ജില്ലാപ്രസിഡന്റ് ജി.ഗോപിനാഥ്, ജില്ലാ സെക്രട്ടറി ശശികലാറാവു, മഹിളാമോര്ച്ച സംസ്ഥാന ട്രഷറര് ലതാമോഹന്, ജില്ലാ ജനറല് സെക്രട്ടറി ബിറ്റി സുധീര്, മണ്ഡലം പ്രസിഡന്റ് സുനിത മുരളീധരന് എന്നിവര് സംസാരിച്ചു. ബാലഗോകുലം ഭഗിനി പ്രമുഖ് ശാന്തസത്യന് സ്വാഗതവും മഹിളാമോര്ച്ച ജില്ലാവൈസ് പ്രസിഡന്റ് ബിന്ദു നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: