ന്യൂദല്ഹി: ഡിജിറ്റല് ഇടപാടുകള് പ്രോത്സാഹിപ്പിക്കാന് സമ്മാന പദ്ധതിയുമായി നിതി ആയോഗ്. നിശ്ചിത തുകക്ക് മുകളില് ഇടപാട് നടത്തുന്നവര്ക്ക് ആഴ്ചകള് തോറും നറുക്കെടുപ്പിലൂടെ സമ്മാനം നല്കാനാണ് പദ്ധതി. സാധാരണക്കാരെയും ഗ്രാമീണരെയും ഡിജിറ്റല് ഇടപാടുകള്ക്ക് പ്രേരിപ്പിക്കുന്നതിനാണ് നിതി ആയോഗിന്റെ നീക്കം. പദ്ധതി സംബന്ധിച്ച് വിശദമായ റിപ്പോര്ട്ട് തയ്യാറാക്കാന് റീട്ടെയില് പേമെന്റ് സംവിധാനത്തിനുള്ള ഉയര്ന്ന ഏജന്സി നാഷണല് പേമെന്റ് കോര്പ്പറേഷന് ഓഫ് ഇന്ത്യക്ക് നിര്ദ്ദേശം നല്കി.
മുഴുവന് വ്യാപാരികളും ഉപഭോക്താക്കളും പദ്ധതിയില് ഉള്പ്പെടും. റുപെ കാര്ഡുകള്, യുഎസ്എസ്ഡി, യുപിഐ തുടങ്ങി എല്ലാത്തരം ഡിജിറ്റല് ഇടപാടുകളും പരിഗണിക്കും. ആഴ്ച്ചയിലുള്ള നറുക്കെടുപ്പിന് പുറമെ രണ്ടാഴ്ച കൂടുമ്പോള് ബമ്പര് സമ്മാനങ്ങളും ഉണ്ടാകും. പദ്ധതി ഉടന് നടപ്പാക്കാനാണ് തീരുമാനം. ഡിജിറ്റല് ഇടപാടുകള് വര്ദ്ധിപ്പിക്കുന്ന സംസ്ഥാന സര്ക്കാരുകള്ക്കും തദ്ദേശഭരണ സ്ഥാപനങ്ങള്ക്കും പ്രോത്സാഹനം നല്കാനും തീരുമാനിച്ചു.
നോട്ട് റദ്ദാക്കിയതിന് ശേഷം ഡിജിറ്റല് ഇടപാടുകള് വര്ദ്ധിച്ചതായി വിലയിരുത്തിയ നീതി ആയോഗ് സമൂഹത്തിലെ എല്ലാ വിഭാഗം ജനങ്ങള്ക്കും ഇത്തരം ഇടപാടുകള് സാധ്യമാക്കണമെന്നും ചൂണ്ടിക്കാട്ടി. ഡിജിറ്റല് ഇടപാടുകള് വ്യാപിപ്പിക്കാന് കേന്ദ്ര സര്ക്കാര് വിവിധ ഇളവുകള് പ്രഖ്യാപിച്ചിട്ടുണ്ട്. ആയിരം ശതമാനം വരെ ഇടപാടുകളില് വര്ദ്ധനയുണ്ടായതായി സര്ക്കാര് പറയുന്നു.
പ്രതികരിക്കാൻ ഇവിടെ എഴുതുക: