കഴിഞ്ഞ വര്ഷം അവസാനം ലോകരാജ്യങ്ങള് ധാരണയിലെത്തിയ ചരിത്രപരമായ പാരിസ് ഉടമ്പടി 2016 ഏപ്രില് 22ന് ഒപ്പുവെച്ചു. ആഗോള താപനിലയില് രണ്ട് ശതമാനത്തിന്റെ കുറവെങ്കിലും വരുത്തണം എന്ന ലക്ഷ്യപൂര്ത്തീകരണമാണ് പാരീസ് ഉടമ്പടിയുടെ ഉദ്യേശ്യം. ഫ്രഞ്ച് വിദേശകാര്യമന്ത്രി ലോറന്റ് ഫാബിയസ് തലവനായ പാരിസ് സമ്മേളനത്തില് ആഗോളസമൂഹത്തിന് വേണ്ടി ചരിത്രപരമായ വഴിത്തിരിവ് എന്നാണ് പാരിസ് ഉടമ്പടി വിശേഷിക്കപ്പെട്ടത്.
ഇതിന്റെ അടിസ്ഥാനത്തില് എല്ലാ ലോകരാജ്യങ്ങളും സ്വന്തം ആക്ഷന് പ്ലാനുകള് തയ്യാറാക്കി അടിയന്തര പ്രവര്ത്തനങ്ങള് ആരംഭിക്കേണ്ടതുണ്ട്. 2018ല് ഇത് വീണ്ടും പരിശോധിക്കും. തുടര്ന്നുള്ള എല്ലാ അഞ്ചു വര്ഷങ്ങളിലും പ്രവര്ത്തനങ്ങള് അവലോകനം ചെയ്്ത് ഭൗമതാപനിലയില് കുറവു വരുത്താനുള്ള ശ്രമങ്ങള്ക്ക് എല്ലാ ലോകരാജ്യങ്ങളും പിന്തുണ നല്കിയിട്ടുണ്ട്.
ഭൂമിയുടെ ശരാശരി താപനിലയില് കഴിഞ്ഞ അമ്പതു വര്ഷത്തെ മനുഷ്യന്റെ പ്രവൃത്തികള് കൊണ്ട് 1 ഡിഗ്രി സെല്ഷ്യസിന്റെ വര്ദ്ധനവാണ് സംഭവിച്ചിരിക്കുന്നത്. 1970ന് ശേഷം ആഗോള ഹരിതഗൃഹ വാതകങ്ങളുടെ ബഹിര്ഗമനത്തില് 80 ശതമാനം വളര്ച്ചയാണ് ഉണ്ടായത്. എട്ടു ലക്ഷം വര്ഷത്തിനിടയിലെ ഏറ്റവും ഉയര്ന്ന നിരക്കിലാണ് ഹരിതഗൃഹ വാതക പ്രസരണം തുടരുന്നത്. കോണ്ക്രീറ്റ് നിര്മ്മാണങ്ങള് കുറച്ചും പരിസ്ഥിതി സംരക്ഷണ പ്രവര്ത്തനങ്ങളും വനവല്ക്കരണമടക്കമുള്ളവ വര്ദ്ധിപ്പിച്ചും ആക്ഷന് പ്ലാനുകള് ലോകരാജ്യങ്ങള് തയ്യാറാക്കിത്തുടങ്ങിയിട്ടുണ്ട്.
പ്രതികരിക്കാൻ ഇവിടെ എഴുതുക: