ആഴിമകള്, മലമകള്,
പൂമകളീയഴകേലും
കേളികേട്ട കേരളമാണെന്റെ പെറ്റമ്മ
അമ്മതന് തൃക്കണ്ണിലയ്യോ! കണ്ണുനീരല്ലോ
കണ്ണുനീരൊപ്പുവാന് ലക്ഷം
കൈകള് നീളട്ടേ
അമ്മതന് പൂങ്കാവനങ്ങള് മുടിഞ്ഞുവെന്നോ!
പൊന്വിളയും വയലൊക്കെ നികന്നുവെന്നോ!
നിറവേലും പുഴയെല്ലാം വരണ്ടുവെന്നോ!
കുടിവെള്ളം വിഷം തീണ്ടിക്കറുത്തുവെ ന്നോ!
കടംകേറി കരള് ചുട്ടോര് അരുമ മക്കള്
കയര്ത്തുമ്പില് ജീവിതങ്ങള്
കുരുക്കുന്നെന്നോ!
മറന്നുപോയ് ഗാന്ധിനാമം തളര്ന്നു ധര്മ്മം!
പറന്നുപോയ് ശാന്തിതന്
വെണ്പിറാവു ദൂരെ!
ഒരു പുത്തന് പുലരിതന് ഉദയം
കാണ്മാന്
കൊതി പൂണ്ടോര് വാടിടാത്തോര്
ഉള്ക്കരുത്തുള്ളോര്
കണ്ണുനീരൊപ്പുവാനിതാ
ഞങ്ങളുണ്ടമ്മേ
ജന്മനാടിന്നുണര്വേകാന്
ഞങ്ങളുണ്ടമ്മേ
വിളിച്ചുണര്ത്തുവാനിതാ
ഞങ്ങളെത്തുന്നു
വെളിച്ചത്തിന് ദൈവമല്ലോ
ഞങ്ങള്തന് ദൈവം
പ്രതികരിക്കാൻ ഇവിടെ എഴുതുക: