ന്യൂദല്ഹി: പെട്രോളിനും ഡീസലിനും വില വര്ധിപ്പിച്ചു. പെട്രോളിന് ലിറ്ററിന് ഒരു രൂപ 29 പൈസയും ഡിസലിന് ലിറ്ററിന് 97 പൈസയുമാണ് വര്ധിപ്പിച്ചത്. പുതുക്കിയ വില അര്ധരാത്രിയോടെ നിലവില് വന്നു. എണ്ണക്കമ്പനികള് ഇന്നലെ ചേര്ന്ന അവലോകന യോഗത്തിലാണ് വില വര്ധിപ്പിക്കാന് തീരുമാനമുണ്ടായത്.
മാസത്തില് രണ്ടുതവണയാണ് എണ്ണക്കമ്പനികള് ഇന്ധന വില അവലോകനം ചെയ്യുന്നത്. അന്താരാഷ്ട്ര വിപണിയില് ക്രൂഡോയില് വിലയിലുണ്ടായ വ്യതിയാനമാണ് വിലവര്ധനയ്ക്ക് കാരണമായി കമ്പനികള് പറയുന്നത്.
കഴിഞ്ഞ യോഗത്തിലും എണ്ണക്കമ്പനികള് ഇന്ധനവില വര്ധിപ്പിച്ചിരുന്നു. പെട്രോള് വില രണ്ടു രൂപ 21 പൈസയും ഡീസല് വില ഒരു രൂപ 79 പൈസയുമാണ് കഴിഞ്ഞ തവണ വര്ധിപ്പിച്ചത്.
പ്രതികരിക്കാൻ ഇവിടെ എഴുതുക: