മാഡ്രിഡ്: സ്പാനിഷ് ലീഗ് ഫുട്ബോളില് നിലവിലെ ജേതാക്കള് ബാഴ്സലോണയ്ക്ക് സമനില. വിയ്യറയലിനോട് അവസാന മിനിറ്റില് മെസി നേടിയ ഗോളില് രക്ഷപ്പെട്ടു കറ്റാലന്മാര്. സമനില, കിരീട പോരാട്ടത്തില് തിരിച്ചടിയായി ചാമ്പ്യന്മാര്ക്ക്.
വിയ്യയുടെ മൈതാനത്ത് 49ാം മിനിറ്റില് നിക്കോള സാന്സിലൂടെ ആതിഥേയര് മുന്നില്. തോല്വിയെന്നു പ്രതീക്ഷിച്ചിരിക്കെ മെസി രക്ഷകനായത്. 90ാം മിനിറ്റില് ബോക്സിനു പുറത്തു നിന്നുള്ള ഫ്രീ കിക്ക് മെസി ഗോളാക്കി. അര്ജന്റൈന് താരത്തെ ബ്രൂണൊ വീഴ്ത്തിയതിന് ഫ്രീ കിക്ക്. മെസിയുടെ ഇടങ്കാലനടി പോസ്റ്റിന്റെ ഇടതു മുകള് മൂലയില് ഭദ്രം. ഇഞ്ചുറി സമയത്ത് വിയ്യയുടെ ജൗമി കോസ്റ്റ ചുവപ്പ് കാര്ഡ് കണ്ട് മടങ്ങി.
ജയിച്ചിരുന്നെങ്കില് രണ്ടാം സ്ഥാനത്തെത്താമായിരുന്നു ബാഴ്സയ്ക്ക്. 17 കളികളില് 35 പോയിന്റുമായി മൂന്നാമത് ടീം. റയല് മാഡ്രിഡ് (40), സെവിയ്യ (36) ആദ്യ രണ്ടു സ്ഥാനങ്ങളില്.
പ്രതികരിക്കാൻ ഇവിടെ എഴുതുക: