തിരുവനന്തപുരം: അന്താരാഷ്ട്ര വിമാനത്താവളത്തിലെ കരാറുകാര് തൊഴിലാളികളോട് കാണിക്കുന്ന തൊഴില് നിയമ ലംഘനങ്ങള് എയര്പോര്ട്ട് ഡയറക്ടര് ഇടപെട്ട് അവസാനിപ്പിക്കണമെന്ന് ബിഎംഎസ് ജില്ലാ പ്രസിഡന്റ് ബാബുകുട്ടന് ആവശ്യപ്പെട്ടു. എയര്പോ ര്ട്ട് കാര് പാര്ക്കിംഗ് തൊഴിലാളികള്ക്ക് നേരെ നടക്കുന്ന കരാറുകാരന്റെ തൊഴില് പീഡന നടപടികളില് പ്രതിഷേധിച്ച് കേരളാ പ്രദേശ് എയര്പോര്ട്ട് കാഷ്വല് മസ്ദൂര് സംഘം (ബിഎംഎസ്) സംഘടിപ്പിച്ച പ്രതിഷേധ യോഗം ഉദ്ഘാടനം ചെയ്യുകയായിരുന്നു അദ്ദേഹം.
9-ാം തീയതി മുതല് സമരം നടത്താന് നേരത്തെ നിശ്ചയിച്ചുവെങ്കിലും സെന്ട്രല് ലേബര് കമ്മീഷണര് ഇടപെട്ട് ചര്ച്ച ചെയ്യാമെന്ന് പറഞ്ഞതിന്റെ അടിസ്ഥാനത്തില് തല്ക്കാലത്തേയ്ക്ക് സമരത്തില്നിന്നും പിന്മാറിയതാണെന്നും മറ്റന്നാള് നടക്കുന്ന ചര്ച്ചയില് പരിഹാരം കാണാത്തപക്ഷം ശക്തമായ സമരം നടത്തുമെന്ന് യൂണിയന് ജനറല് സെക്രട്ടറി ഗോവിന്ദ് ആര് തമ്പി പറഞ്ഞു. ജെ. ജയകുമാര്, എസ്. സുരേഷ്കുമാര്, ജെറി ജോണ്, ശക്തികുമാര് എന്നിവര് നേതൃത്വം നല്കി.
പ്രതികരിക്കാൻ ഇവിടെ എഴുതുക: