ഹോം » പ്രാദേശികം » കോട്ടയം » 

അതിരമ്പുഴ സെന്റ് മേരീസ് ഫൊറോന പള്ളിയില്‍ തിരുനാള്‍

January 11, 2017

ഏറ്റുമാനൂര്‍: അതിരമ്പുഴസെന്റ് മേരീസ് ഫൊറോന പള്ളിയിലെ വി.സെബസ്ത്യാനോസിന്റെ തിരുന്നാള്‍ 19 മുതല്‍ ഫെബ്രുവരി ഒന്നുവരെ നടക്കും. ഫെബ്രുവരി ഒന്നിനാണ് എട്ടാമിടം. 24 ,25 തീയതികളിലാണ് പ്രധാന തിരുനാള്‍. 19ന് രാവിലെ 5.45ന് വികാരി ഫാ.സിറിയക് കോട്ടയില്‍ തിരുനാളിന് കൊടിയേറ്റും. വൈകിട്ട് 5ന് കഴുന്നു പ്രദക്ഷണം. 20ന് രാവിലെ 7.15 നു തിരുസ്വരൂപം പ്രതിഷ്ഠിക്കല്‍, 24ന് വൈകിട്ട് 3.30ന് സമൂഹബലി, രാത്രി 8.30 ന് അതിരമ്പുഴ വെടിക്കെട്ട്. 25 ന് വൈകിട്ട് 4.30ന് 20-ഓളം വിശുദ്ധരുടെ തിരുസ്വരൂപങ്ങള്‍ വഹിച്ചുകൊണ്ടുള്ള ഭക്തിനിര്‍ഭരവും വര്‍ണശബളവുമായ തിരുന്നാള്‍ പ്രദിക്ഷണം വലിയപള്ളിയില്‍ നിന്ന് ആരംഭിച്ച് ചെറിയ പള്ളി ചുറ്റി തിരികെ വലിയപള്ളിയിലെത്തി രാത്രി 7 ന് സമാപിക്കും. എട്ടാമിടം ആചരണത്തോടെയാണ് തിരുനാള്‍ സമാപിക്കുന്നത്. സെബസ്ത്യാനോസിന്റെ തിരുസ്വരൂപം പരസ്യ വണക്കത്തിനു ശേഷം അള്‍ത്താരയില്‍ പുന പ്രതിഷ്ഠിക്കുന്നത് ഫെബ്രുവരി ഒന്നിന് രാത്രി 7.30 നാണ്. തുടര്‍ന്ന് കൊടിയിറങ്ങുന്നതോടെ തിരുനാളിന് സമാപനമാകും. തിരുനാളിനുള്ള ഒരുക്കങ്ങള്‍ വിലയിരുത്തുണതിനായി ചേര്‍ന്ന യോഗം ജോസ്. കെ.മാണി എംപി ഉദ്ഘാടനം ചെയ്തു. വികാരി ഫാ.സിറിയക് കോട്ടയില്‍ അദ്ധ്യക്ഷത വഹിച്ചു. മോന്‍സ് ജോസഫ് എംഎല്‍എ, തിരുവഞ്ചൂര്‍ രാധാകൃഷ്ണന്‍ എംഎല്‍എ, ഗ്രാമ പഞ്ചായത്ത് പ്രസിഡന്റ് ആന്‍സ്വര്‍ഗീസ്, പി.വി. മൈക്കിള്‍, ബി.മഹേഷ് ചന്ദ്രന്‍, ആര്‍.ഡി.ഒ. എന്‍.രാമദാസ്, ഗിരിഷ് .പി.സാരഥി തുടങ്ങിയവര്‍ പ്രസംഗിച്ചു.

അഭിപ്രായം രേഖപ്പെടുത്താംമലയാളത്തില്‍ ടൈപ്പ് ചെയ്യാന്‍

കോട്ടയം - പുതിയ വാര്‍ത്തകള്‍
Related News from Archive
Editor's Pick