കുണ്ടറ: കള്ളപ്പണത്തിന്റെയും അഴിമതിയുടെയും ഡ്രാക്കുള പ്രഭുക്കന്മാരാണ് പിണറായിയും ഉമ്മന്ചാണ്ടിയുമെന്ന് എം.ടി.രമേശ്.
ഇരവിപുരത്ത് നടന്ന കള്ളപ്പണ മുന്നണികള്ക്കെതിരെയുള്ള പ്രചരണ യാത്രയ്ക്ക് നല്കിയ സ്വീകരണത്തില് സംസാരിക്കുകയായിരുന്നു അദ്ദേഹം. സാധാരണക്കാരുടെ സമ്പാദ്യം അഴിമതിക്കാരായ സഹപ്രവര്ത്തകരായ മനുഷ്യരക്തം ഊറ്റിക്കുടിക്കുന്ന ഡ്രാക്കുള സഖാക്കളെ ഉപയോഗിച്ച് ബക്കറ്റ് പിരിവും, പാര്ട്ടി ഫണ്ടും പിരിച്ച് സ്റ്റാര് ഹോട്ടലും ആശുപത്രികളും റിസോര്ട്ടുകളും അമ്യൂസ്മെന്റ് പാര്ക്കുകളും ചാനലും ഉള്പ്പെടെ കോടികളുടെ സമ്പാദ്യം ഉണ്ടാക്കി. അതിന്റെ അമരക്കാരനായ ഡ്രാക്കുളയാണ് പിണറായി വിജയനെന്നും ഇദ്ദേഹത്തിന്റെ അനിയന്ബാവയാണ് ഉമ്മന്ചാണ്ടിയെന്നും അദ്ദേഹം പറഞ്ഞു. സിപിഎമ്മിന്റെ പ്രവര്ത്തനം പരിശോധിച്ചാല് തന്നെ നേതൃത്വത്തിന്റെ ലീലാവിലാസങ്ങള് ചൂണ്ടിക്കാണിച്ചവരൊന്നും തന്നെ ഇന്ന് ജീവിച്ചിരിപ്പില്ലെന്ന് മനസിലാക്കാം. അതിലൊരു രക്തസാക്ഷി മാത്രമാണ് ചന്ദ്രശേഖരന്. അറിയപ്പെടാത്ത ഒരുപാട് ചന്ദ്രശേഖരന്മാര് രക്തസാക്ഷികളായിട്ടുണ്ട്. ഇവര്ക്കെതിരെ വിമര്ശനം ഉന്നയിക്കുന്ന മറ്റ് രാഷ്ട്രീയപ്രവര്ത്തകരെ ഇവര് വെറുതെ വിടുമോ എന്നും അദ്ദേഹം ചോദിച്ചു.
കോണ്ഗ്രസാകട്ടെ ഫാഷന്പരേഡിന്റെ പിറകെ ആണെന്നും നേതാക്കള്ക്കെതിരെ ആരോപണം ഉന്നയിക്കുന്നവര്ക്കെതിരെ വനിതാപ്രവര്ത്തകരുടെ മുമ്പില് നേതാക്കളുടെ മുണ്ടുംഉടുപ്പും വലിച്ചൂരിയും, കീറിയും അടിവസ്ത്രത്തില് നിര്ത്തി ഫോട്ടോ എടുത്തും ആഘോഷിക്കുകയാണെന്നും ഇത് കോണ്ഗ്രസിന്റെ മുഖമുദ്രയായി മാറിയതായും അദ്ദേഹം പറഞ്ഞു. പാര്ട്ടി സഖാക്കളെ ഉപയോഗിച്ച് റേഷന് ഗുണഭോക്തൃസര്വ്വെയില് കൈ കടത്തി റേഷന്കാര്ഡ് വിതരണം അവതാളത്തിലാക്കി വനവാസികളെപോലും എപിഎല് ആക്കിയും കോടികള് വിലമതിക്കുന്ന വീടുകളും ആഡംബര കാറുമുള്ള സഖാക്കളെ ബിപിഎല് ആക്കിയും റേഷന്സംവിധാനം അട്ടിമറിച്ച സര്ക്കാരാണ് പിണറായിയുടെത്. ഇപ്പോള് കേന്ദ്രസര്ക്കാര് ആവശ്യത്തിലധികം അനുവദിച്ചിട്ടുള്ള റേഷന്വിഹിതം വീണ്ടും കൂട്ടിതരണമെന്ന് പറഞ്ഞ് സമരം നടത്തുമെന്ന് പറയുന്നത് വിരോധാഭാസമാണെന്നും അദ്ദേഹം പറഞ്ഞു. മണ്ഡലം പ്രസിഡന്റ് എ.ജി.ശ്രീകുമാര് അദ്ധ്യക്ഷത വഹിച്ച യോഗത്തില് സംസ്ഥാന നേതാക്കളായ ജെ.ആര്.പത്മകുമാര്, ശിവന്കുട്ടി, സുധീര്, പുഞ്ചക്കരി സുരേന്ദ്രന്, രാജി പ്രസാദ്, വി.വി.രാജേഷ്, വെള്ളിയാങ്കുളം പരമേശ്വരന്, എം.എസ്.ശ്യാംകുമാര്, മധു പരുമല, ബിനുരാജ്, ബി.രാധാമണി, ജില്ലാ പ്രസിഡന്റ് ജി.ഗോപിനാഥ്, നേതാക്കളായ കെ.കെ.ജോണ്, മുഖത്തല റഹിം, നെടുമ്പന ശിവന്, സജീവ് ചന്ദ്രന്, ബിറ്റി സുധീര്, എസ്.കൃഷ്ണന്, കൊട്ടിയം സുരേന്ദ്രനാഥ്, നെടുമ്പന ഓമനക്കുട്ടന്,ശ്രീവിലാസം മനോജ്, കിഴക്കനേല സുധാകരന്, മധു പരിമല, ജില്ലാ നേതാക്കളായ ലേഖാ സുരേഷ്, ഷീജ, രാജ്മോഹന്, മണ്ഡലം നേതാക്കളായ സി.ബി.പ്രദീഷ്, അഭിഷേക്, വിനീത വികാസ്, ബാലചന്ദ്രന്, രവികുമാര്, മനു, മുക്കം സുനില്, ബാലചന്ദ്രന് ആക്കോലില്, പ്രൊഫ.രാജ്കുമാര്, ലതികാമ്മ, സുധീഷ് ദാസ്, ഷാജി മേവറം, രവി പന്നിമണ്, മനോജ് ശ്രീവിലാസം, സുരേഷ് ബാബു, വത്സലകുമാരി, ലക്ഷ്മി, തെക്കടം ഹരീഷ്, ഏരിയാ നേതാക്കളായ രൂപേഷ്, കടപ്പാല് സുദര്ശനന്, സുരേഷ് ലാല്, വസന്തന്, പ്രസന്നന്, ബേബി ജയകുമാര്, ജയപ്രകാശ്, സാജന് കവറാട്ടില്, ആഷിഷ് കുമാര്, വിജയകുമാര് എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: