തൃപ്പൂണിത്തുറ: വികസനമുറപ്പുവരുത്തുവാന് രാഷ്ട്രം സമ്പത്തിക സുതാര്യത കൈവരിക്കണമെന്നും ജനതയുടെ ത്യാഗത്തിലൂടെ ആദര്ശ രാഷ്ട്രം നിലവില് വരുമെന്നും ബാലഗോകുലം കൊച്ചി മഹാനഗര് കാര്യദര്ശി കെ.ജി. ശ്രീകുമാര്. വിവേകാനന്ദജയന്തി ദിനത്തില് പൂര്ണ്ണാനദിയുടെ കിഴക്കേത്തോണിക്കടവില് സംഘടിപ്പിക്കപ്പട്ട നദീമിത്രങ്ങളുടെ പ്രാര്ത്ഥനാസദസില് സംസാരിക്കുകയായിരുന്നു അദ്ദേഹം.
പ്രാര്ത്ഥനാ സദസ്സിനോടനുബന്ധിച്ച് ചിക്കാഗോ പ്രഭാഷണത്തിന്റെ പുനര്വായനയും, പൂര്ണ്ണാനദീ സംരക്ഷണ പ്രവര്ത്തനത്തിന്റെ അവലോകനവും വിവേകാനന്ദസൂക്ത ഫലകത്തില് പുഷ്പാര്ച്ചനയും നടന്നു. പൂര്ണ്ണാനദീ സംരക്ഷണത്തിനായി ഇറിഗേഷന് വകുപ്പിന്റെ പ്രവര്ത്തനങ്ങളെ അഭിനന്ദിച്ചു.
ബാലഗോകുലം നഗര് പൊതുകാര്യദര്ശി രതീഷ്, നദീമിത്ര സംയോജികമാരായ ഗംഗടീച്ചര്, ജ്യോതി രമേഷ് എന്നിവര് പ്രസംഗിച്ചു. ബാലാശ്രമം ബാലഗോകുലാംഗങ്ങള് നദീമിത്രങ്ങള് എന്നിവര് പ്രാര്ത്ഥനാസദസിലും പുഷ്പാര്ച്ചനയിലും പങ്കെടുത്തു.
പ്രതികരിക്കാൻ ഇവിടെ എഴുതുക: