കോഴിക്കോട്: സ്വാമി വിവേകാനന്ദന് സന്ദേശങ്ങള് സമൂഹത്തിന് പകര്ന്നുനല്കി വിവേകാനന്ദ ജയന്തി-ദേശീയ യുവജനദിനാഘോഷം. രാമകൃഷ്ണമിഷന് സേവാശ്രമവും രാമകൃഷ്ണമിഷന് ഹയര്സെക്കണ്ടറി സ്കൂളും സംയുക്തമായി സംഘടിപ്പിച്ച വിവേകാനന്ദജയന്തി ആഘോഷങ്ങള് വേറിട്ടതായി. ഉദ്ഘാടന സമ്മേളനത്തിന് മുന്നോടിയായി വിളംബരജാഥ നടന്നു. വിദ്യാര്ത്ഥികള്, അധ്യാപകര്, രക്ഷിതാക്കള് എന്നിവര് പങ്കെടുത്ത വിളംബരജാഥയ്ക്ക് സ്വാമി വിനിശ്ചലാനന്ദ, സ്വാമി യതിവരാനന്ദ, സ്വാമി പുണ്യാത്മാനന്ദ തുടങ്ങിയവര് നേതൃത്വം നല്കി. മന്ത്രി ടി.പി. രാമകൃഷ്ണന് ദേശീയയുവജനദിനാഘേഷ പരിപാടികള് ഉദ്ഘാടനം ചെയ്തു.
സ്വാമി വിവേകാനന്ദന് പകര്ന്നുനല്കിയ സന്ദേശങ്ങള് ഏറ്റെടുക്കാന് സമൂഹത്തിന് കഴിയണമെന്ന് മന്ത്രി ടി.പി. രാമകൃഷ്ണന് അഭിപ്രായപ്പെട്ടു. ഭാരതത്തെ തൊട്ടറിഞ്ഞ വ്യക്തിത്വമായിരുന്നു സ്വാമി വിവേകാനന്ദന്. അദ്ദേഹത്തിന്റെ സന്ദേശങ്ങള് കുട്ടികള് ഉള്ക്കൊള്ളണമെന്നും ടി.പി. രാമകൃഷ്ണന് കൂട്ടിച്ചേര്ത്തു. ആത്മീയതയുടെ വെളിച്ചംലോകം മുഴുവനും എത്തിച്ച സൂര്യതേജസ്സാണ് സ്വാമി വിവേകാനന്ദനെന്ന് ചടങ്ങില് അദ്ധ്യക്ഷത വഹിച്ച കോഴിക്കോട് ശ്രീരാമകൃഷ്ണമഠം സെക്രട്ടറി സ്വാമി വിനിശ്ചലാനന്ദ പറഞ്ഞു. തൃശൂര് രാമകൃഷ്ണമഠത്തി ലെ സ്വാമി യതിവരാനന്ദ, സ്വാമി പുണ്യാത്മാനന്ദ എന്നിവര് പ്രഭാഷണം നടത്തി. കൗണ്സിലര് നമ്പിടി നാരായണന്, രാമകൃഷ്ണമിഷന് എല്പി സ്കൂള് പ്രധാനാധ്യാപകന് കെ.എം. സുനില്കുമാര്, രാമകൃഷ്ണമിഷന് ഹൈസ്കൂള് പ്രധാന അധ്യാപകന് ഒ. ശശിധരന്, പ്രിന്സിപ്പല് വി.എം. പത്മകുമാരി, മാതൃസംഘം ചെയര്പേഴ്സണ് പി. ബിന്ദു എന്നിവര് സംസാരിച്ചു. പിടിഎ പ്രസിഡന്റ് അഡ്വ. എം. ആര്. ഹരീഷ് സ്വാഗതവും പ്രോഗ്രാം കണ്വീനര് എന്.വി ജയരാമന് നന്ദിയും പറഞ്ഞു. തുടര്ന്ന് കുട്ടികളുടെ വിവിധ കലാപരിപാടികള്, മാതാ പേരാമ്പ്രയും സ്കൂള് വിദ്യാര്ത്ഥികളും ചേര്ന്ന് അവതരിപ്പിച്ച വിശ്വവിവേകാനന്ദം നൃത്തശില്പം, അധ്യാപകരുടെയും രക്ഷിതാക്കളുടെയും കലാപരിപാടിള് അരങ്ങേറി.
കോഴിക്കോട്: എന്ജിഒ ക്വാര്ട്ടേഴ്സ് ഗവ. ഹയര്സെക്കണ്ടറി സ്കൂള് നാഷണല് സര്വീസ് സ്കീമിന്റെയും എന്ജിസി ഇക്കോ ക്ലബ്ബിന്റെയും സംയുക്താഭിമുഖ്യത്തില് ഡിജിറ്റല് ധനവിതരണം സംബന്ധിച്ച് ക്ലാസ് നടത്തി. എന്എസ്എസ് പ്രോഗ്രാം ഓഫീസര് സുനില് എം. ആന്റണി അധ്യക്ഷത വഹിച്ചു. പ്രിന്സിപ്പല് പി. ബാബുരാജ് ഉദ്ഘാടനം ചെയ്തു. എന്ഐഇടി ഫാക്കല്റ്റി എം. ദീപുചന്ദ്രന് വിഷയാവതരണം നടത്തി. എന്ജിസി ജില്ലാ കോ-ഓര്ഡിനേറ്റര് എം.എ. ജോണ്സണ് സ്വാഗതവും വിദ്യാര്ത്ഥി പ്രതിനിധി ലുനുയൂസഫ് നന്ദിയും പറഞ്ഞു.
വിവേകാനന്ദ സാംസ്കാരിക സമിതി കൊഴുക്കല്ലൂരിന്റെ ആഭിമുഖ്യത്തില് ദേശീയ യുവജന ദിനാഘോഷം നടത്തി. എല്പി, യു.പി, ഹൈസ്കൂള് വിഭാഗം വിദ്യാര്ത്ഥികള്ക്കായി പ്രശ്നോത്തരിയും ഉപന്യാസ രചനാ മത്സരവും സംഘടിപ്പിച്ചു. വിജയികള്ക്ക് ആയടത്തില് ശങ്കരന് കിടാവ് സ്മാരക ക്യാഷ് അവാര്ഡും ട്രോഫികളും വിതരണം ചെയ്തു.
കെ.പി. രാമന് ഉദ്ഘാടനം ചെയ്തു. രാഘവന് കോറോത്ത് അദ്ധ്യക്ഷത വഹിച്ചു. സംസ്ഥാന പാഠ്യപദ്ധതി നിര്മ്മാണ സമിതി അംഗം എം. ശ്രീഹര്ഷന് മത്സരങ്ങള്ക്ക് നേതൃത്വം നല്കി. മേലടി ബ്ലോക്ക് പഞ്ചായത്ത് മെമ്പര് അമ്പാടി കുഞ്ഞിക്കണ്ണന് വിജയികള്ക്കുള്ള സമ്മാനദാനം നിര്വഹിച്ചു.
വേണു തിരുമംഗലത്ത്, പി.എം. പ്രദീപന്, ഗോകുലന് കിഴക്കലത്ത്, ഷിബീഷ് തൊണ്ടിക്കണ്ടി, അഭിലാഷ് എടക്കുടി, കെ.കെ. സുനില്കുമാര്, പി.കെ. അരുണ്ലാല് എന്നിവര് ആശംസ നേര്ന്നു. ഇ.എം ബിനു സ്വാഗതം പറഞ്ഞു. രാമകൃഷ്ണന് നീലാംബരി, ശശി എളവന, രാജീവന് ആയടത്തില്, വി. രാജഗോപാലന് എന്നിവര് നേതൃത്വം നല്കി.
കുറ്റിയാടി: നരിക്കൂട്ടുംചാല് വേദിക വായനശാലയും വട്ടോളി നാഷണല് ഹയര്സെക്കണ്ടറി സ്കൂള് എന്എസ്എസ് യൂണിറ്റിന്റെയും സംയുക്താഭിമുഖ്യത്തില് യുവജനസംഗമം നടത്തി. കുറ്റിയാടി എസ്ഐ പി.സി. രാജന് ഉദ്ഘാടനം ചെയ്തു. എസ്.ജെ. സജീവ്കുമാര് അധ്യക്ഷത വഹിച്ചു. കെ.കെ. രവീന്ദ്രന്, പി.പി. ദിനേശന്, ജിഷ്ണുസായ്, സിദ്ധാര്ത്ഥ് നരിക്കൂട്ടുംചാല്, സൂരജ് ആര്. രവീന്ദ്രന് തുടങ്ങിവര് സംസാരിച്ചു.
പ്രതികരിക്കാൻ ഇവിടെ എഴുതുക: