കൊച്ചി: രാത്രി 11 മണിക്കുശേഷം ഹോട്ടലുകള് പ്രവര്ത്തിക്കരുതെന്ന് നിര്ദ്ദേശിക്കാനോ നോട്ടീസ് നല്കാനോ എസ്ഐയ്ക്ക് അധികാരമില്ലെന്ന് ഹൈക്കോടതി വ്യക്തമാക്കി. ഭക്ഷ്യ സുരക്ഷ വിഭാഗത്തിന്റെയും തദ്ദേശ ഭരണ സ്ഥാപനത്തിന്റെയും അനുമതിയും ലൈസന്സും വാങ്ങിയാണ് ഹോട്ടല് പ്രവര്ത്തിക്കുന്നത്. അവരൊന്നും സമയക്രമം നിശ്ചയിച്ചിട്ടില്ല ഈ സാഹചര്യത്തില് പോലീസിനു സമയം നിശ്ചയിക്കാനാവില്ലെന്നു കോടതി പറഞ്ഞൂ.
രാത്രി 11നു ശേഷം ഹോട്ടല് പ്രവര്ത്തനം തടഞ്ഞുകൊണ്ടുള്ള എസ്ഐയുടെ നോട്ടീസ് ഭരണഘടന ഉറപ്പു നല്കുന്ന തൊഴിലവകാശത്തിന്റെ ലംഘനമാണ്. സാമൂഹ്യ വിരുദ്ധര് താവളമാക്കുമെന്ന കാരണത്താല് ഹോട്ടല് രാത്രി 11 നുശേഷം പ്രവര്ത്തിക്കരുതെന്ന് പറയാന് കഴിയില്ല. ഹര്ജിക്കാരനായ ഹോട്ടലുടമയ്ക്കെതിരെ പരാതിയോ കേസോ നിലവില് ഇല്ലാത്ത സാഹചര്യത്തില് ഹോട്ടല് രാത്രി 11 ന് അടയ്ക്കണമെന്നു പറയാന് കഴിയില്ല.
കുറ്റകൃത്യങ്ങള് തടയാനും കുറ്റകൃത്യങ്ങളില് നടപടിയെടുക്കാനും പോലീസിന് അധികാരമുണ്ടെങ്കിലും ഇത്തരം നടപടി പാടില്ലെന്നും ഡിവിഷന് ബെഞ്ച് ചൂണ്ടിക്കാട്ടി.
പ്രതികരിക്കാൻ ഇവിടെ എഴുതുക: