അമ്പലപ്പുഴ: കളഭനാളുകളില് അമ്പലപ്പുഴ ശ്രീകൃ ഷ്ണമണ്ഡപത്തെ ദേവസ്വം ബോര്ഡ് തഴഞ്ഞു. മുന് കാലങ്ങളില് ക്ഷേത്രത്തില് നടക്കുന്ന കളഭാഭിഷേകം, ആറാട്ട് എന്നീ സമയങ്ങളില് കൃഷ്ണമണ്ഡപം അലങ്കരിച്ച് ഉത്സവങ്ങള് ജനങ്ങളെ അറിയിക്കുകയായിരുന്നു പതിവ്.
ദൂരയാത്ര ചെയ്തുവരുന്ന ഭക്തര്ക്കും ക്ഷേത്രത്തില് എത്താന് സാധിക്കാത്ത സാഹചര്യത്തില് കൃഷ്ണമണ്ഡപത്തില് തൊഴുത് കാണിക്കയര്പ്പിച്ചാണ് മടക്കം. കൂടാതെ ക്ഷേത്രം എവിടെയെന്നതിന്റെ സൂചനയും കൃഷ്ണമണ്ഡപം നോക്കി മനസ്സിലാക്കാം. ഇത്രയേറെ പ്രധാന്യമുള്ള മണ്ഡപം അലങ്കരിക്കാനോ വൈദ്യുതാലങ്കാരങ്ങളാല് ശോഭനമാക്കാനോ ദേവസ്വം ബോര്ഡ് തയ്യാറായില്ല.
കൃത്യമായ കാണിക്കവഞ്ചി പൊട്ടിച്ച് പണമെടുക്കുന്ന കാര്യത്തില്മാത്രം യാതൊരു മുടക്കവും വരുത്താറുമില്ല. കൃഷ്ണമണ്ഡപത്തെ അവഗണിച്ച ദേവസ്വം ബോര്ഡ് നിലപാടിനെതിരെ പ്രതിഷേധം ഉയര്ന്നുകഴിഞ്ഞു.
പ്രതികരിക്കാൻ ഇവിടെ എഴുതുക: