ഹൈസ്കൂള് വിഭാഗം സംസ്കൃത പ്രഭാഷണത്തില് കൊല്ലം പാരിപ്പള്ളി അമൃത സംസ്കൃത വിദ്യാലയത്തിലെ എസ്.കാവ്യശ്രീക്ക് ഒന്നാം സ്ഥാനവും എ ഗ്രേഡും.
2015ല് നടന്ന കലോത്സവത്തില് സംസ്കൃത പ്രഭാഷണത്തിലും, സംസ്കൃതം കവിതാ രചനയിലും രണ്ടാം സ്ഥാനവും 2016ല് കവിതാരചനയിലും സംസ്കൃതം നാടകത്തിലെ അഭിനയത്തിനും രണ്ടാംസ്ഥാനവും പ്രഭാഷണത്തിലും അക്ഷര ശ്ലോകത്തിലും മൂന്നാം സ്ഥാനവും കരസ്ഥമാക്കിയിരുന്നു. ഈ വര്ഷം സംസ്കൃതം കവിതാ രചനയിലും അക്ഷര ശ്ലോകം, സംസ്കൃത നാടകം എന്നിവയിലും കാവ്യശ്രീ മാറ്റുരക്കുന്നുണ്ട്. ഇക്കുറി ഭവഭൂതിയുടെ മഹാവീര ചരിതം നാടകത്തിലെ ദശരഥന്, വാത്മീകി എന്നീ രണ്ടു കഥാപാത്രങ്ങളെ കാവ്യശ്രീ അരങ്ങില് അവതരിപ്പിക്കും. പിതാവ് വി.ടി.ശ്രീകുമാര് പാരിപ്പള്ളി അമൃത വിദ്യാലയത്തിലെ അദ്ധ്യാപകനാണ്. വിശ്വസംസ്കൃത പ്രതിഷ്ഠാനം സംസ്ഥാന ഉപാദ്ധ്യക്ഷനും സംസ്കൃത അക്കാദമി കൗണ്സില് കൊല്ലം ജില്ലാ സെക്രട്ടറിയുമാണ്. അമ്മ സരീനയും സംസ്കൃതം അദ്ധ്യാപികയാണ്.
പ്രതികരിക്കാൻ ഇവിടെ എഴുതുക: