നെടുമങ്ങാട്: 39-ാമത് സംസ്ഥാന ടെക്നിക്കല് ഹൈസ്കൂള് കലോത്സവത്തിന് നെടുമങ്ങാട് മഞ്ച ഗവ. ടെക്നിക്കല് ഹൈസ്കൂളില് ഇന്ന് തിരിതെളിയും. വൈകുന്നേരം 4ന് വര്ണ്ണശബളമായ ഘോഷയാത്ര ഗേള്സ് ഹയര് സെക്കണ്ടറി സ്കൂളില് നിന്ന് ആരംഭിച്ചു ടി.എച്ച് എസ്സില് എത്തിച്ചേരും . 5 മണിക്ക് മുഖ്യമന്ത്രി പിണറായി വിജയന് കലോത്സവം ഉദ്ഘാടനം ചെയ്യും. സി.ദിവാകരന് എംഎല്എയുടെ അദ്ധ്യക്ഷതയില് വിദ്യാഭ്യാസ മന്ത്രി സി.രവീന്ദ്രനാഥ്,ദേവസ്വം മന്ത്രി കടകംപള്ളി സുരേന്ദ്രന്,ഭക്ഷ്യമന്ത്രി പി.തിലോത്തമന്,ഡെപ്യൂട്ടി സ്പീക്കര് വി.ശശി,നഗരസഭ ചെയര്മാന് ചെറ്റച്ചല് സഹദേവന് എന്നിവര് പങ്കെടുക്കും.22 ന് നടക്കുന്ന സമാപന സമ്മേളനം സ്പീക്കര് പി.ശ്രീരാമകൃഷ്ണന് ഉദ്ഘാടനം ചെയ്യും. പ്രധാന വേദിക്ക് പുറമെ 6 വേദികളിലായി 48 ഇനം കലാമത്സരങ്ങളാണ് അരങ്ങേറുന്നത്.
കലോത്സവത്തിന്റെ മീഡിയാ റൂം നെടുമങ്ങാട് നഗരസഭാ ചെയര്മാന് ചെറ്റച്ചല് സഹദേവന് ഉത്ഘാടനം ചെയ്തു. ചടങ്ങില് നഗരസഭാ വൈസ് ചെയര്പേഴ്സണ് ലേഖാവിക്രമന്,മേളയുടെ ചീഫ് കോ-ഓര്ഡിനേറ്റര് പി.ഹരികേശന് നായര്,പ്രചരണകമ്മിറ്റിയുടെ ചെയര്മാന് സി.സാബു,സ്വീകരണകമ്മിറ്റിയുടെ ചെയര്മാന്.പീ.രാജീവ്, കൗണ്സിലര് സുമയ്യാ മനോജ് സൂപ്രണ്ട് സുനില്കുമാര് എന്നിവര് സംബന്ധിച്ചു.
പ്രതികരിക്കാൻ ഇവിടെ എഴുതുക: