കൊച്ചി: മറൈന് ഡ്രൈവിലെ ലോഡ്ജ് കേന്ദ്രീകരിച്ച് കഞ്ചാവ് കച്ചവടം നടത്തിയ യുവതിയുള്പ്പടെ നാലു പേര് അറസ്റ്റില്. വൈപ്പിന് മുരുക്കും പാടം തൈവേലിക്കകത്ത് വിനീഷ് വിശ്വ നാഥന്(20), ആലപ്പുഴ കോമളപുരം വടക്കുഴി വെളിയില് വീട്ടില് പ്രദീപ് എബ്രഹാം(20), പുതു വൈപ്പ് തുണ്ടത്തില് വീട്ടില് രാഹുല് സുബ്രഹ്മണ്യന്(23), ഇടക്കൊച്ചി പട്ടിത്തറ വീട്ടില് ദില്ഷിദ സലാം(21) എന്നിവരെയാണ് അര കിലോഗ്രാം കഞ്ചാവുമായി സെന്ട്രല് പോലീസ് അറസ്റ്റ് ചെയ്തത്.
തമിഴ്നാട്, ഒറീസ എന്നിവിടങ്ങളില് നിന്ന് കഞ്ചാവെത്തിച്ചിരുന്നത് വിനീഷും രാഹുലുമാണ്. പകലും രാത്രിയുമായി സംഘം ചേര്ന്നാണ് ഇവര് കച്ചവടം നടത്തിയിരുന്നത്. പിടിയിലായ യുവതി സ്ഥിരമായി മയക്കുമരുന്ന് ഉപയോഗിക്കുന്നതാണ്. കൂടുതല് യുവതികള് സംഘത്തില് ഉള്പ്പെടുന്നതായി പോലീസ് പറഞ്ഞു. സെന്ട്രല് എസ്ഐ ഡി. ദീപുവിന്റെ നേതൃത്ത്വത്തില് നടത്തിയ അന്വേഷണത്തിലാണ് പ്രതികള് വലയിലായത്. അറസ്റ്റ് ചെയ്ത പ്രതികളെ കോടതിയില് ഹാജരാക്കി.
പ്രതികരിക്കാൻ ഇവിടെ എഴുതുക: