കെഎസ്ആര്ടിസി ഓരോ വര്ഷം കഴിയുന്തോറും സാമ്പത്തിക പ്രതിസന്ധിയില് മുങ്ങിത്താഴുകയാണ്. സര്ക്കാരുകള് മാറി മാറി ഭരിച്ചിട്ടും മാറ്റമൊന്നും കാണുന്നില്ല.
ഇതിന്റെ പ്രധാന കാരണങ്ങള് മാനേജ്മെന്റിന്റെ പിടിപ്പുകേടും തൊഴിലാളികളുടെ ആത്മാര്ത്ഥത കുറവും യഥാസമയങ്ങളില് അറ്റകുറ്റ പണികള് നടത്താതിരിക്കുന്നതും കൂടുതല് കൂടുതല് പണം കടമെടുക്കലും അല്ലേ? ആഡംബരത്തോടുകൂടിയ ഡയറക്ടര് ബോര്ഡും, അവരുടെ ചെലവിനങ്ങളും, ഡിപ്പാര്ട്ടുമെന്റിന് ബാധ്യതയേറ്റുന്നു.
നഷ്ടത്തിലോടുന്ന സര്വീസുകള് നിര്ത്തല് ചെയ്യുക. സര്ക്കാര് പലിശരഹിത വായ്പകള് അനുവദിക്കുക. ജീവനക്കാര് ആത്മാര്ത്ഥതയോടെ തങ്ങളുടെ ജീവിത പ്രശ്നമാണെന്ന് മനസ്സിലാക്കി കഠിനാധ്വാനം ചെയ്യുക. യാത്രക്കാരോട് മാന്യമായി പെരുമാറുകയും സ്റ്റോപ്പുകളില് ആളെ ഇറക്കുകയും കയറ്റുകയും ചെയ്യുക. കേടുപാടുകളുള്ള വാഹനങ്ങള് റോഡില് ഇറക്കാതിരിക്കുക. സമയോചിതമായി റിപ്പയര് ചെയ്യുക. ആവശ്യത്തിനും അനാവശ്യത്തിനും സമരങ്ങള് ചെയ്യാതിരിക്കുക. അധികൃതരുടെ അനാവശ്യ മീറ്റിങ്ങുകളും കറക്കങ്ങളും ചെലവുകളും ഒഴിവാക്കുക. ഇതൊക്കെ ചെയ്താല് കോര്പ്പറേഷന് രക്ഷപ്പെടും.
ഈ രംഗത്ത് വിദഗ്ദ്ധ പാണ്ഡിത്യമുള്ള വ്യക്തികളെ തലപ്പത്ത് ഇരുത്തുകയും രാഷ്ട്രീയ ഇടപെടലുകള് ഇല്ലാതെ അവരുടെ ആജ്ഞക്ക് അനുസൃതമായി കുറച്ചുകാലം പ്രവര്ത്തിച്ച് നോക്കുക. അല്ലെങ്കില് നിശ്ചിതകാലയളവില് ലീസിന് കൊടുക്കുക.
ഒ.പി.നമ്പീശന്, മഞ്ചേരി
പ്രതികരിക്കാൻ ഇവിടെ എഴുതുക: