കൊച്ചി: രാജ്യത്തെ ഏറ്റവും വലിയ സമുദ്ര മത്സ്യ ഗവേഷണ സ്ഥാപനമായ സിഎംഎഫ്ആര്ഐയുടെ ഒരു വര്ഷം നീണ്ടുനില്ക്കുന്ന പ്ലാറ്റിനം ജൂബിലി ആഘോഷ പരിപാടികള് ഇന്ന് തുടങ്ങും. ഉച്ചയ്ക്ക 2.30ന് ഗവര്ണര് ജസ്റ്റിസ് പി സദാശിവം ഉദ്ഘാടനം ചെയ്യും.അമിതവണ്ണവും കൊളസ്ട്രോളും കുറയ്ക്കുന്നതിന് വേണ്ടി സിഎംഎഫ്ആര്ഐ കടല്പായലില് നിന്നും നിര്മ്മിച്ച മരുന്ന്, മീനുകളെ പെട്ടെന്ന് തിരിച്ചറിയാന് സഹായകരമാകുന്ന രീതിയില് വികസിപ്പിച്ച മൊബൈല് ആപ്പ് എന്നിവയും ചടങ്ങില് ഗവര്ണര് പുറത്തിറക്കും.
ലൈറ്റ് ഉപയോഗിച്ച് മത്സ്യബന്ധനം നടത്തുന്നതുമായി ബന്ധപ്പെട്ട് സിഎംഎഫ്ആര്ഐ തയ്യാറാക്കിയ ശാസ്ത്രീയ പഠന റിപ്പോര്ട്ട് ചടങ്ങില് ഗവര്ണര് പ്രകാശനം ചെയ്യും.
സിഎംഎഫ്ആര്ഐ യുടെ പ്ലാറ്റിനം ജൂബിലിയോടനുബന്ധിച്ച് ഇന്ത്യന് തപാല് വകുപ്പ് പുറത്തിറക്കുന്ന സിഎംഎഫ്ആര്ഐയുടെ പേര് പതിച്ച പ്രത്യേക പാസ്റ്റല് കവര് കേരള മധ്യമേഖല പോസ്റ്റ് മാസ്റ്റര് ജനറല് സുമതി രവിചന്ദ്രന് പുറത്തിറക്കും. ഭാരതീയ കാര്ഷിക ഗവേഷണ കൗണ്സില് (ഐ.സി.എ.ആര്.) ഡെപ്യൂട്ടി ഡയറക്ടര് ജനറല് ഡോ ജെ കെ ജെന അധ്യക്ഷത വഹിക്കും. എംപിഇഡിഎ ചെയര്മാന് ഡോ. എ ജയതിലക് പങ്കെടുക്കും.
പ്രതികരിക്കാൻ ഇവിടെ എഴുതുക: