ആലപ്പുഴ: ഐടി ആറ്റ് സ്കൂള് പ്രോജക്ട് നടപ്പിലാക്കുന്ന ഹായ് സ്കൂള് കുട്ടിക്കൂട്ടം പദ്ധതിയുടെ ഭാഗമായ ആനിമേഷന് സിനിമാ നിര്മാണപരിശീലനം ഐ.ടി അറ്റ് സ്കൂള് ജില്ലാ പ്രോജക്ട് ഓഫീസില് ആരംഭിച്ചു. നിയോജക മണ്ഡലത്തിലെ 18 ഹൈസ്കൂളുകളില് നിന്നായി എട്ട്, ഒമ്പത് ക്ലാസുകളിലെ തെരഞ്ഞെടുത്ത 50 വിദ്യാര്ഥികള്ക്കാണ് ആദ്യഘട്ടത്തില് പരിശീലനം.
17ന് തുടങ്ങിയ പരിശീലനം ആലപ്പുഴ വിദ്യാഭ്യാസ ഉപഡയറക്ടര് വി. അശോകന് ഉദ്ഘാടനം ചെയ്തു. പരിശീലനം 19 വരെയാണ്. ഐടി അറ്റ് സ്കൂള് ജില്ലാ കോ-ഓര്ഡിനേറ്റര് കെ.ഒ. രാജേഷ്, ഐടി അറ്റ് സ്കൂള് മാസ്റ്റര് ട്രെയ്നര് ജോണ് കോശി, പരിശീലകനും കാര്ട്ടൂണിസ്റ്റുമായ ഇ. സുരേഷ്, മാസ്റ്റര് ട്രയ്നര് പി.പി സുരേഷ് ബാബു എന്നിവര് പങ്കെടുത്തു. കഥാരചന, കഥയിലെ കാഥാപാത്രങ്ങളെ വേര്തിരിച്ചെടുത്ത് രൂപകല്പന ചെയ്യല്, സംഭാഷണം ഒരുക്കല്, സ്റ്റോറിബോര്ഡ് നിര്മാണം, കഥാപാത്രങ്ങളെ ഉപയോഗിച്ച് സീന് തിരിച്ച് ആനിമേഷന്, റിക്കോര്ഡ് ചെയ്യല്, സംഗീത നിര്വ്വഹണം, എഡിറ്റിങ്, ടൈറ്റില് ഗ്രാഫിക്സ് രൂപപ്പെടുത്തല് തുടങ്ങിയ മേഖലകളില് പ്രാവീണ്യം നേടുന്ന വിധത്തിലാണ് മൂന്നു ദിവസത്തെ പരിശീലനം ക്രമീകരിച്ചിരിക്കുന്നത്.
പൊതു വിദ്യാഭ്യാസ സംരക്ഷണ യജ്ഞത്തിന്റെയും ഹൈടെക് സ്കൂള് പദ്ധതിയുടേയും ഭാഗമായി ഹൈസ്കൂള് കൂട്ടികളുടെ ഐസിടി അധിഷ്ഠിത പ്രവര്ത്തനങ്ങള് കൂടുതല് കാര്യക്ഷമമാക്കുന്നതിനാണ് കുട്ടികളുടെ കൂട്ടായ്മായ ഹായ് സാകുള് കൂട്ടിക്കൂട്ടം ഐടി അറ്റ് സ്കൂള് രൂപീകരിച്ചത്.
പ്രതികരിക്കാൻ ഇവിടെ എഴുതുക: