മുംബൈ: വിക്കറ്റുകള് കൊഴിയുമ്പോഴും ഒരറ്റത്ത് ഉറച്ചുനിന്ന് പൊരുതിയ ശ്രേയസ് അയ്യരുടെ ഇരട്ട സെഞ്ചുറിയില് ഇന്ത്യ എ ഓസ്ട്രേിലയക്കെതിരായ ത്രിദിന സന്നാഹ മത്സരം സമനിലയിലാക്കി.
ഒന്നാം ഇന്നിംഗ്സില് 63 റണ്സ് ലീഡുനേടിയ ഓസ്്ട്രേലിയ അവസാന ദിവസം കളിനിര്ത്തുമ്പോള് നാലു വിക്കറ്റിന് 110 റണ്സ് നേടി.
ഇന്ത്യന് ടീമില് സ്ഥാനമുറപ്പിക്കാന് തയ്യാറെടുക്കുന്ന ശ്രേയസ് 202 റണ്സുമായി കീഴടങ്ങാതെ നിന്നു.ഓസ്ട്രേലിയയുടെ കുറ്റന് സ്കോറിന് മറുപടി പഞ്ഞ ഇന്ത്യ എ 403 റണ്സിന് പുറത്തായി.85 റണ്സെന്ന വ്യക്തിഗത സ്കോറുമായി കളി പുനരാരംഭിച്ച ശ്രേയസ് അയ്യര് 210 പന്തില് 27 ഫോറും ഏഴ് സിക്സറും അടിച്ചാണ് ഇരട്ട സെഞ്ചുറി തികച്ചത്. ശ്രേയസിന് മികച്ച പിന്തുണ നല്കിയ ഗൗതം 74 റണ്സ് നേടി.അടിച്ചുതകര്ത്ത ഗൗതം 68 പന്തി നിന്നാണ് ഇത്രയും റണ്സെടുത്തത്.പത്ത് ഫോറും നാലു സിക്സറും ഉള്പ്പെട്ട ഇന്നിംഗ്സ്.
ലിയോണ് 162 റണ്സിന് നാലു വിക്കറ്റും ഓകീഫ് 101 റണ്സിന് മൂന്ന് വിക്കറ്റും വീഴ്ത്തി.ബേര്ഡിന് രണ്ടു വിക്കറ്റ് ലഭിച്ചു.
നാലിന് 176 റണ്സെന്ന സ്കോറിനാണ് ഇന്ത്യ എ ഒന്നാം ഇന്നിംഗ്സ് പുനരാരംഭിച്ചത്.ഓസ്ട്രേലിയ ഒന്നാം ഇന്നിംഗ്സില് എഴു വിക്കറ്റിന് 469 റണ്സാണെടുത്തത്.
രണ്ടാം ഇന്നിംഗ്സ് തുടങ്ങിയ ഓസ്ട്രേലിയയ്ക്കുവേണ്ടി വാര്ണര് 35 റണ്സും ഹാന്സ് കോമ്പ് 37 റണ്സും നേടി.ഓകീഫും (19) വേഡും (6) പുറത്താകാതെ നിന്നു.
ഹാര്ദിക് പാണ്ഡ്യ,സെയ്നി,ദിന്ഡ,ആര്.ആര്.പന്ത് എന്നിവര് ഓരോ വിക്കറ്റ് വീഴ്ത്തി.
സ്കോര്ബോര്ഡ്:ഓസ്ട്രേലിയ ഒന്നാം ഇന്നിംഗ്സ് : ഏഴു വിക്കറ്റിന് 469. ഇന്ത്യ എ ഒന്നാം ഇന്നിംഗ്സ് : 403. ഓസ്ട്രേലിയ രണ്ടാം ഇന്നിംഗ്സ്:വാര്ണര് സി ഇന്ദര്ജിത്ത് ബി ദിന്ഡ 35, റെന്ഷാ ബി പാണ്ഡ്യ 10, മാക്സ്വെല് ബി സെയ്നി 1, ഓകീഫ് നോട്ടൗട്ട് 19, ഹാന്സ്കോമ്പ് സി ഗൗതം ബി പന്ത് 37, എം.എസ് വേഡ് നോട്ടീട്ട് 6 എക്സ്ട്രാസ് 2 ആകെ നാലു വിക്കറ്റിന് 110
വിക്കറ്റ് വീഴ്ച 1-27,2-32,3-59,4-101
ബൗളിംഗ് : പാണ്ഡ്യ 5-1-30-1 , സെയ്നി 7-2-20-1, ദിന്ഡ 7-2-18-1,
നദീം 9-1-21-0, ഗൗതം 4-0-9-0, പന്ത്് 2-0-9-1, ഹര്വാഡ്ക്കര് 2-1-2-0.
പ്രതികരിക്കാൻ ഇവിടെ എഴുതുക: