മാഡ്രിഡ്:പരുക്കിന്റെ പിടിയിലമര്ന്ന് മുന്ന് മാസം കളത്തിനു പുറത്തിരുന്ന ഗാരേത്ത് ബെയ്ലിന്റെ സ്വപ്നതുല്യമായ തിരിച്ചുവരവില് റയല് മഡ്രിഡിന് വിജയം.ലീഗ്്മത്സരത്തില് അവര് എതിരില്ലാത്ത രണ്ടു ഗോളുകള്ക്ക് എസ്പ്യാനോളിനെ കീഴടക്കി.ഈ വിജയത്തോടെ റയല് മാഡ്രിഡ് ബാഴ്സലോണയെ പിന്തളളി മുന്നിലെത്തി.
നിലവാരത്തിലേക്ക് ഉയരാതെപോയ ആദ്യപകുതിയില് ആല്വറോ മോര്ട്ടയുടെ ഗോളില് റയല് മാഡ്രിഡ് മുന്നിലെത്തി.
മത്സരത്തിന്റെ അവസാന നിമിഷങ്ങളിലാണ് ബെയ്ലിന്റെ ഗോള് പിറന്നത്.എഴുപത്തിയൊന്നാം മിനിറ്റില് പകരക്കാരനായി ഇറങ്ങിയ ബെയ്ല് 83-ാം മിനിറ്റില് മാഡ്രിഡിന്റെ വിജയഗോള് നേടി.
പ്രീമിയര് ഡിവിഷനില് സെവില്ല എതിരല്ലാത്ത രണ്ടുഗോളുകള്ക്ക് ഐബാറിനെ തോല്പ്പിച്ചു.മുപ്പതാം മിനിറ്റല് പാബ്ളോ സരാബിയയും തെണ്ണൂറാം മിനിറ്റില് വിറ്റോളോയുമാണ് സെവില്ലക്കായി ഗോള് നേടിയത്്.
സീറി എ യില് ലാസിയോ ഒന്നിനെതിരേ രണ്ടുഗോളുകള്ക്ക് എംപോളിയെ തോല്പ്പിച്ചു.ഒരു ഗോളിന് പിന്നില് നിന്ന ലാസിയോ പൊരുതിക്കയറിയാണ് വിജയം നേടിയത്.67-ാം മിനിറ്റില് ക്രൂനിക്ക് എംപോളിയെ മുന്നിലെത്തിച്ചു. അടുത്ത നിമഷം തന്നെ ഇമ്മോബില് ഗോള് മടക്കി.എണ്പതാം മിനിറ്റല് കീറ്റയുടെ ഗോളിലൂടെ ലാസിയോ ജയിച്ചുകയറി.
പ്രതികരിക്കാൻ ഇവിടെ എഴുതുക: