കൊച്ചി: ഇന്റര്നാഷണല് പില്ഗ്രിമേജ് റെവല്യൂഷന് പ്രൈവറ്റ് ലിമിറ്റഡ് (ഐപിആര്) ഏര്പ്പെടുത്തിയ ടൂറിസം അവാര്ഡുകള് വിതരണം ചെയ്തു. കൊച്ചിയില് നടന്ന അവാര്ഡുദാന ചടങ്ങ് ‘സൊലേസ് 2017’ സിപിഎം ജില്ലാ സെക്രട്ടറി പി. രാജീവ് ഉദ്ഘാടനം ചെയ്തു. ഏഴ് വിഭാഗങ്ങളിലായാണ് അവാര്ഡ് നല്കിയത്.
മികച്ച ബീച്ച് റിസോര്ട്ടിനുള്ള അവാര്ഡ് മാരാരി ബീച്ച് റിസോര്ട്ടും മികച്ച സിറ്റി ഹോട്ടലിനുള്ള അവാര്ഡ് ഹോട്ടല് ലീലാ ആംബിയന്സും നേടി. മികച്ച വൈല്ഡ് ലൈഫ് റിസോര്ട്ടായി ഓറഞ്ച് കൗണ്ടി, കമ്പനി തെരഞ്ഞെടുക്കപ്പെട്ടു. പുതിയതായി ആരംഭിച്ച തീം ബേസ്ഡ് റിസോര്ട്ടിനുള്ള അവാര്ഡ് കോട്ടയത്തെ റെയ്ന് ഫോറസ്റ്റ് ആയുര് കൗണ്ടി കരസ്ഥമാക്കി. മികച്ച ടൂറിസ്റ്റ് ഗൈഡായി സഹജന് ബി, മികച്ച ഷെഫായി കൊച്ചി ലെ മെരിഡിയന് ഹോട്ടലിലെ ജതിന്ദര് പാല് ഖുറാന, മികച്ച ഡ്രൈവറായി അനൂപ്കുമാര് എം എന്നിവര് തെരഞ്ഞെടുക്കപ്പെട്ടു. പി. രാജീവ്, ഐപിആര് ചെയര്മാന് ഫാ. ഡോ. ടോമി ജോസഫ്, എംഡി സിബി തോട്ടുപുറം, ബിഷപ്പ് മാര് മാത്യു വാണിയം കിഴക്കേല്, കേരള ഷോപ്സ് ആന്ഡ് കമേഴ്സിയല് എസ്റ്റാബ്ലിഷ്മെന്റ്സ് വെല്ഫെയര് ബോര്ഡ് വൈസ് ചെയര്മാന് ഇ.എസ്. ബിജു എന്നിവര് അവാര്ഡുകള് വിതരണം ചെയ്തു.
വയനാട് സോഷ്യല് സര്വീസ് സൊസൈറ്റിക്ക് കീഴിലുള്ള അര്ച്ചന തുടി കലാസമിതി, അതിരപ്പിള്ളി വാഴച്ചാല് വനസംരക്ഷണ സമിതി എന്നീ സംഘടനകള്ക്ക് ഐപിആര് അനുവദിച്ച ഫണ്ട് പി. രാജീവ് വിതരണം ചെയ്തു. സുരക്ഷിതവും ശുചിത്വവുമുള്ള ടൂറിസമെന്ന ലക്ഷ്യത്തിനായി അതിരപ്പിള്ളി വാഴച്ചാല് വനസംരക്ഷണ സമിതി നടത്തിയ പ്രവര്ത്തനങ്ങള്ക്ക് നേതൃത്വം നല്കിയ വാഴച്ചാല് ഫോറസ്റ്റ് ഡിവിഷനിലെ ഡിഎഫ്ഒ എന്. രാജേഷിനെ ഐപിആര് മാനേജിംഗ് ഡയറക്ടര് സിബി തോട്ടുപുറം ആദരിച്ചു. ശുചിത്വ ഫോര്ട്ട് കൊച്ചിക്കായി പ്രവര്ത്തിക്കുന്ന ക്ലീന് ഫോര്ട്ട് കൊച്ചി ഫൗണ്ടേഷനുള്ള ഫണ്ടും കൈമാറി. പ്രകൃതി സൗഹൃദ ഉത്പന്നങ്ങള് വാങ്ങുന്നതിന് തൃശൂര് ആസ്ഥാനമായി പ്രവര്ത്തിക്കുന്ന സന്നദ്ധസംഘടനയായ ഇസാഫുമായുള്ള കരാര് സത്നാ രൂപത വികാരി ജനറല് ഫാ. ജോണ് തോപ്പില് ഇസാഫ് സ്ഥാപകന് ജേക്കബ് സാമുവലിന് കൈമാറി.
പ്രതികരിക്കാൻ ഇവിടെ എഴുതുക: