പിലാത്തറ: ഹൃദയ ശസ്ത്രക്രിയ മരുന്നുകളുടെ വില കേന്ദ്ര ഗവര്മെന്റ് ഗണ്യമായി കുറച്ചിട്ടും അതിന്റെ ഗുണഫലങ്ങള് സാധാരണക്കാരന് ലഭിക്കാന് നടപടിയെടുക്കാത്ത പരിയാരം മെഡിക്കല് കോളേജിലെ സഹകരണ ഹൃദയാലയ അധികൃതരുടെ നടപടി പ്രതിഷേധാര്ഹമാണെന്ന് ബിജെപി കല്യാശ്ശേരി നിയോജക മണ്ഡലം കമ്മറ്റി. സ്റ്റെന്റിന്റെ വിലക്കും ശസ്ത്രക്രിയ ചെലവുകള്ക്കും പുറമെ 20,000 രൂപയിലധികം അനുബന്ധച്ചെലവെന്ന പേരില് ആശുപത്രി അധികൃതര് വാങ്ങുന്നു. ഈ തുക കാരുണ്യ പദ്ധതിയില് ഉള്പ്പെടുത്താത്തതിനാല് പാവപ്പെട്ട രോഗികള് ഈ തുക സ്വന്തമായി ഉണ്ടാക്കേണ്ടതായി വരുന്നു. കേന്ദ്ര ഗവര്മെന്റിന്റെ ജനക്ഷേമ പദ്ധതികള് അട്ടിമറിക്കാനുള്ള ഇത്തരം നടപടികള്ക്കെതിരെ ജനകീയ പ്രതിഷേധം സംഘടിപ്പിക്കുമെന്നും ബിജെപി പ്രസ്താവിച്ചു. മണ്ഡലം പ്രസിഡണ്ട് വിജയന് മാങ്ങാട്, ശങ്കരന് കൈതപ്രം, കെ.സജീവന്, എന്.പി.കുഞ്ഞിക്കണ്ണന്, വി.വി.ഉണ്ണികൃഷ്ണന് എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: