നാവായിക്കുളം: പണ്ഡിറ്റ് ദീനദയാല് ഉപാധ്യയുടെ പേരില് സാന്ത്വന പരിചരണ പ്രവര്ത്തനങ്ങള്ക്ക് ജില്ലയില് തുടക്കമായി. കല്ലമ്പലം കെആര്ജിഎസ് ഹാളില് ചേര്ന്ന യോഗത്തില് ബിജെപി സംസ്ഥാന സമിതി അംഗം ആലംകോട് ദാനശീലന് തുടക്കംകുറിച്ചു.
അശരണര് ആലംബഹീനര് അനാഥന് എന്നിവര്ക്ക് ചികിത്സ ഉള്പ്പെടെയുള്ള സഹായമെത്തിക്കലാണ് ലക്ഷ്യം. പോലീസ് ആരോഗ്യ പ്രവര്ത്തകര് ഗ്രാമപഞ്ചായത്തുകള് സന്നദ്ധസംഘടനകള് വ്യക്തികള് എന്നിവയുടെ സഹായത്തോടെയായിരിക്കും ദീനദയാല് സാന്ത്വന പരിപരണപ്രവര്ത്തനങ്ങള് നടത്തുന്നത്. ഭാവിയില് സംസ്ഥാനതലത്തിലും ഈ പ്രവര്ത്തനങ്ങള് വ്യാപിപ്പിക്കുമെന്ന് കോ- ഓര്ഡിനേറ്റര്കൂടിയായ ആലംകോട് ദാനശീലന് പറഞ്ഞു.
ദീനദയാല് സാന്ത്വന പരിചരണ പ്രവര്ത്തനങ്ങള്ക്ക് കുടക്കംകുറിച്ചുകൊണ്ട് അവശരായി കഴിയുന്ന നിരവധി ആളുകളുടെ ഭവനങ്ങള് സന്ദര്ശിച്ച് മെഡിക്കല് കിറ്റുകള് വിതരണം ചെയ്തു. ആലംകോട് ദാനശീലന്, റോസമ്മ, സുശാന്തി, ഷീബ, ഉല്ലാസ,് ബിജു എന്നിവര് നേതൃത്വം നല്കി. ജയപ്രസാദ്, അഡ്വ. മുരളീധരന്നായര്, മടവൂര് സുരേഷ് പ്രീത, സുനിത എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: