കാക്കനാട്: പഞ്ചായത്ത് ഡെപ്യൂട്ടി ഡയറക്ടര് ഓഫീസില് പഞ്ചായത്ത് ഭരണസമിതി അംഗങ്ങളുടെ കിടപ്പ് സമരം. എടത്തല പഞ്ചായത്ത് പ്രസിഡന്റ് സാജിത അബ്ലാസിന്റെ നേതൃത്വത്തില് പത്ത് ഭരണസമിതി അംഗങ്ങളാണ് ഓഫീസ് ക്യാബിനില് പായും തലയണയുമായി കിടപ്പ് സമരം നടത്തിയത്. സാമ്പത്തിക വര്ഷം അവസാനിക്കാറായിട്ടും എല്ഡി ക്ലാര്ക്ക്, അകൗണ്ടഡന്റ് എന്നീ തസ്തികളില് ജീവനക്കാരെ നിയമിക്കാത്തതില് പ്രതിഷേധിച്ചായിരുന്നു സമരം.
പഞ്ചായത്ത് പദ്ധതി തുക ചെവഴിക്കുന്നില്ലെന്ന്് ആരോപിച്ച് നൂറോളം പഞ്ചായത്ത് ജീവനക്കാരുടെ യോഗത്തില് പ്രസിഡന്റിനെയും സെക്രട്ടറിയെയും ചോദ്യം ചെയ്യുന്നത് പതിവായതാണ് പഞ്ചായത്ത് ഭരണസമിതിയെ ചൊടിപ്പിച്ചത്. പദ്ധതി തുക ചെലവഴിക്കുന്നതിന്റെ വിശദാംശങ്ങള് കമ്പ്യൂട്ടറില് ഫീഡ് ചെയ്ത് ബന്ധപ്പെട്ടവരെ അറിയിക്കാന് ജീവനക്കാരില്ലാത്തതിനാല് മേല് ഉദ്യോഗസ്ഥരുടെ ചോദ്യം ചെയ്യല് പതിവാണ്.
പഞ്ചായത്തില് ഒഴിവുള്ള തസ്തികയില് ഉടന് നിയമനം നടത്തണമെന്നാവശ്യപ്പെട്ട് നാട്ടുകാരുടെ നേതൃത്വത്തില് പഞ്ചായത്ത് പ്രസിഡന്റിനെ ഉപരോധിച്ചിരുന്നു. പ്രശ്നം പഞ്ചായത്ത് ഡയറക്ടറുടെ ശ്രദ്ധയില്പ്പെടുത്തിയതിനെ തുടര്ന്ന് അക്കൗണ്ടന്റിന്റെ നിയമനം ഫാക്സ് വഴി ലഭിച്ചതിനെ തുടര്ന്നാണ് പ്രഡിഡന്റും സംഘവും തിരിച്ചത്. ജനുവരി ഏഴിന് രണ്ട് തസ്തികളിലും നിയമന ഉത്തരവ് നല്കിയതായി പഞ്ചായത്ത് ഡെപ്യൂട്ടി ഡയറക്ടര് അറിയിച്ചു. എന്നാല് ഒരാള് സര്വീസ് ചെയ്യാതാവുകയും മറ്റൊരാള് മെഡിക്കല് ലീവില് പ്രവേശിച്ചതുമാണ് ഒഴിവുകളുണ്ടായത്. എല്ഡി ക്ലാര്ക്കിന്റെ ലിസ്റ്റ് പിഎസ്സിയില് നിന്ന് ലഭിക്കുന്ന മുറക്ക് മാത്രമേ നിയമനം നടത്താനാവൂ. പ്രശ്നം അറിയിച്ചതനുസരിച്ച തൃക്കാക്കര പോലീസ് എസ്െഎയുടെ നേതൃത്വത്തില് ഏഴോളം പോലീസുകാര് സ്ഥലത്തെത്തിയിരുന്നു.
പ്രതികരിക്കാൻ ഇവിടെ എഴുതുക: