കൊച്ചി: പ്രമുഖ നടിയെ തട്ടിക്കൊണ്ട് പോയി പീഡിപ്പിക്കാന് ശ്രമിച്ച കേസില് ഒരാള് കൂടി പിടിയിലായതായി സൂചന. ഇയാളെ സംവിധായകനും നടനുമായ മലയാള സിനിമാ പ്രവര്ത്തകന്റെ കാക്കനാട്ടെ ഫ്ളാറ്റില് നിന്നാണ് പിടികൂടിയതെന്നും റിപ്പോര്ട്ടുണ്ട്. എന്നാല് ഇതു സംബന്ധിച്ച കൂടുതല് വിവരങ്ങള് അന്വേഷണ സംഘം പുറത്ത് വിട്ടിട്ടില്ല. കാക്കനാടുളള ഈ ഫ്ളാറ്റ് സിനിമാ പ്രവര്ത്തകര് ഒരുമിച്ച് താമസിക്കുന്ന ഇടം കൂടിയാണ്.
കേസുമായി ബന്ധപ്പെട്ട് സിനിമ മേഖലയിലെ ബന്ധങ്ങള് അന്വേഷിക്കുന്ന സാഹചര്യത്തിലാണ് സിനിമ പ്രവര്ത്തകന്റെ ഫ്ളാറ്റില് നിന്ന് ഒരാളെ പിടി കൂടിയിരിക്കുന്നത്. കേസില് യുവനടന്റെ മൊഴി അന്വേഷണ സംഘം രേഖപ്പെടുത്തി. തിങ്കളാഴ്ച രാത്രി ഉയര്ന്ന പോലീസ് ഉദ്യോഗസ്ഥര് ആലുവയിലെ നടന്റെ വീട്ടില് മഫ്ത്തിയിലെത്തിയാണ് പരിശോധന നടത്തിയത്. പിടിയിലായവരുടെ ഫോണ്രേഖകള് പരിശോധിച്ചതില്നിന്ന് സംഭവവുമായി സിനിമാ മേഖലയില് നിന്ന് ബന്ധമുണ്ടെന്നതിന് വ്യക്തമായ സൂചനകള് പോലീസിന് ലഭിച്ചെന്നും റിപ്പോര്ട്ടുണ്ട്.
അതേസമയം പള്സര് സുനിക്കായുള്ള തെരച്ചില് പോലീസ് ഊര്ജ്ജിതമാക്കിയിട്ടുണ്ട്. കോടതിയില് പള്സര് സുനി ഹാജരാകുന്നതിന് മുമ്പ് പിടികൂടുകയാണ് അന്വേഷണ സംഘത്തിന്റെ ലക്ഷ്യം.
പ്രതികരിക്കാൻ ഇവിടെ എഴുതുക: