തിരുവനന്തപുരം: വിജിലന്സിനെതിരായ ഹൈക്കോടതി വിമര്ശനം സര്ക്കാര് ഗൗരവമായി കാണുന്നുവെന്ന് മുഖ്യമന്ത്രി പിണറായി വിജയന്. വിജിലന്സിന് ലഭിക്കുന്ന പരാതികള് പരിഗണിക്കുന്നത് സംബന്ധിച്ച വിശദീകരണത്തിന് ഹൈക്കോടതി ആക്ടിംഗ് ചീഫ് ജസ്റ്റീസിനെ സമീപിക്കുമെന്നും മുഖ്യമന്ത്രി വ്യക്തമാക്കി.
സംസ്ഥാനത്ത് വിജിലന്സ് രാജാണോ എന്ന ഹൈക്കോടതിയുടെ വിമര്ശനം. കൊച്ചിയില് നടിയെ ക്വട്ടേഷന് സംഘം ആക്രമിച്ച സംഭവം വളരെ ഗൗരവമേറിയതാണെന്നും മുഖ്യമന്ത്രി പറഞ്ഞു. സംഭവത്തില് പോലീസ് ഫലപ്രദമായ നടപടികള് സ്വീകരിച്ചിട്ടുണ്ടെന്നും അദ്ദേഹം തിരുവനന്തപുരത്ത് നടത്തിയ വാര്ത്താസമ്മേളനത്തില് പറഞ്ഞു.
സംഭവമുണ്ടായപ്പോള് തന്നെ പോലീസ് കാര്യക്ഷമമായി ഇടപെട്ടിരുന്നു. കേസുമായി ബന്ധപ്പെട്ട ആളുകളില് പ്രധാന പ്രതികള് ഒഴികയുള്ളവരെല്ലാം പിടിയിലായിട്ടുണ്ട്. പ്രധാന പ്രതികളെ പിടികൂടാന് കഴിയുമെന്ന് തന്നെയാണ് പോലീസ് വ്യക്തമാക്കുന്നത്. അവരെ അറസ്റ്റ് ചെയ്ത ശേഷം കൂടുതല് നടപികളുണ്ടാകുമെന്നും അദ്ദേഹം പറഞ്ഞു.
നടിയെ ആക്രമിച്ച സംഭവത്തില് കോടിയേരി ബാലകൃഷ്ണന്റെ മകനെതിരേ ഉയര്ന്ന ആരോപണങ്ങള് മുഖ്യമന്ത്രി തള്ളി.
പ്രതികരിക്കാൻ ഇവിടെ എഴുതുക: