ആലപ്പുഴ: വ്രതവിശുദ്ധിയുടെ നിറവില് ശിവരാത്രി ഉത്സവം ഇന്ന്. ശിവക്ഷേത്രങ്ങള് ആഘോഷങ്ങള്ക്കായി ഒരുങ്ങി. മാരാരിക്കുളം മഹാദേവ ക്ഷേത്രത്തില് നാളെ രാവിലെ എട്ടിനു സംഗീതക്കച്ചേരി, 10.30നു ശ്രീബലി, രണ്ടിന് ഓട്ടന്തുള്ളല്, പാഠകം, വൈകിട്ട് അഞ്ചിനു പുല്ലാങ്കുഴല് കച്ചേരി, രാത്രി ഏഴിനു ഋഷഭ വാഹനമെഴുന്നള്ളത്ത്, എട്ടിനു ശയന പ്രദക്ഷിണം, 10നു കാഴ്ചശ്രീബലി, 12നു ശിവ ഭജന്സ്, ശിവരാത്രി പൂജ.
കണ്ണമംഗലം മഹാദേവ ക്ഷേത്രത്തില് രാത്രിയില് 10.30നു പിതൃ–പുത്രീ സംഗമവും കൂടി എഴുന്നള്ളത്തും നടക്കും. ഇരട്ടക്കുളങ്ങര മഹാദേവ ക്ഷേത്രത്തില് നാളെ രാവില ആറിനു ലക്ഷാര്ച്ചന, 11നു കളഭാഭിഷേകം, രാത്രി 10നു ശിവരാത്രി പൂജ. നീര്ക്കുന്നം ഘണ്ഠാകര്ണ ക്ഷേത്രത്തില് ഇന്നു രാവിലെ 11നു കടലില് മീനൂട്ട് നടക്കും.
നാളെ രാവിലെ എട്ടിന് അകത്താറാട്ട്, ഉച്ചയ്ക്ക് ഒന്നിന് ആറാട്ടു പുറപ്പാട്, രണ്ടിനു വണ്ടാനം പടിഞ്ഞാറേ കടലില് ആറാട്ട്. 6.45നു തിരിപിടിത്തം. പുലര്ച്ചെ അഞ്ചിനു കലശാഭിഷേകം, ശ്രീഭൂതബലി. തോണ്ടന്കുളങ്ങര മഹാദേവ ക്ഷേത്രത്തില് ഇന്നു വൈകിട്ട് 6.30നു കളമെഴുത്തും പാട്ടും. ഏഴിനു ലക്ഷാര്ച്ചന.
നാളെ ഉച്ചയ്ക്ക് ഒന്നിനു കളഭാഭിഷേകം, രാത്രി 8.45നു ഋഷഭ വാഹനമെഴുന്നള്ളത്ത്. കളര്കോട് മഹാദേവ ക്ഷേത്രത്തിലും ലക്ഷാര്ച്ചന, പ്രത്യേക പൂജകള് എന്നിവ നടക്കും.
പട്ടണക്കാട് മഹാദേവക്ഷേത്രം, വേളോര്വട്ടം ക്ഷേത്രം, തിരുവിഴ, നീര്ക്കുന്നം ഘണ്ടാകര്ണ ക്ഷേത്രം തുടങ്ങിയ ശിവക്ഷേത്രങ്ങളിലെല്ലാം വിപുലമായ ആഘോഷപരിപാടികളും വിശേഷാല് പൂജകളും ആരംഭിച്ചു.
അരൂര് അമ്മനേഴത്ത് ശ്രീഭവാനിശ്വര ക്ഷേത്രത്തിലെ ശിവരാത്രി ആ ഘോഷത്തിന്റെ ഭാഗം ആയി ശ്രീ മഹാദേവാ യുവജന സമിതിയുടെ ആഭിമുഖ്യത്തില് വാദ്യമേളത്തിന്റെയും പൂതാലത്തിന്റെഅകമ്പടിയോടെ ഋഷഭ വാഹന ഘോഷയാത്ര ഇന്ന് വൈകിട്ട് 3.30ന് എസ്എന് നഗറില് നിന്നും പുറപ്പെട്ട് ആറിന് ക്ഷേത്രത്തില് എത്തിചേരുന്നു.
പ്രതികരിക്കാൻ ഇവിടെ എഴുതുക: