ആലുവ: മണപ്പുറത്ത് സേവനത്തിനായി സേവഭാരതിയുടെ ഒരുക്കങ്ങള് പൂര്ത്തിയായി. ഇന്ഫര്മേഷന് സെന്ററുകള്, വൈദ്യസഹായം, ആംബുലന്സ് സേവനം എന്നിവ ലഭ്യമാകും. 500 ലേറെ സന്നദ്ധ സേവാ പ്രവര്ത്തകര് സേവന പ്രവര്ത്തനങ്ങള്ക്ക് നേതൃത്വം നല്കും. ബാങ്ക് ജംഗ്ഷന്, ഹെഡ് പോസ്റ്റാഫീസ്, പറവൂര് കവല, കെഎസ്ആര്ടിസി സ്റ്റാന്റ്, സ്വകാര്യ ബസ്സ്റ്റാന്റ്, റെയില്വേ സ്റ്റേഷന് എന്നീ കേന്ദ്രങ്ങളില് കുടിവെള്ള വിതരണവും ഇന്ഫര്മേഷന് സെന്ററുകളും പ്രവര്ത്തിക്കും. മണപ്പുറം ഓഡിറ്റോറിയം കേന്ദ്രീകരിച്ച് ഇന്ഫര്മേഷന് സെന്ററും ആയുര്വേദ, അലോപ്പതി, ഹോമിയോപ്പതി ഡോക്ടര്മാരുടെ സേവനം, ചുക്കുകാപ്പി വിതരണം, അന്നദാനം എന്നിവയും സജ്ജീകരിച്ചിട്ടുണ്ട്. സേവാഭാരതിയുടെയും ശിവരാത്രി മഹാപരിക്രമ സമിതിയുടെയും ആഭിമുഖ്യത്തില് മണപ്പുറം പരിസരം വൃത്തിയാക്കി.
സേവഭാരതി പ്രസിഡന്റ് പി. സുന്ദരം ഉദ്ഘാടനം ചെയ്തു. ആര്.കെ. കൃഷ്ണ കുമാര്, ശശി തുരുത്ത്, പി.സി.ബാബു, മനോജ് തുരുത്ത്, ഉളിയന്നൂര് ഹരിദാസ്, എ.കെ. മോഹനന്, ടി.എസ്. സത്യന്, ഡോ. രാധ കലാധരന്, അജിത സുരേന്ദ്രന് എന്നിവര് നേതൃത്വം നല്കി.
പ്രതികരിക്കാൻ ഇവിടെ എഴുതുക: