കൊച്ചി : നടിയെ ആക്രമിച്ച കേസ് അട്ടിമറിയ്ക്കാനാണ് മുഖ്യമന്ത്രിയുടെ ശ്രമമെന്ന് പ്രതിപക്ഷനേതാവ് രമേശ് ചെന്നിത്തല. അന്വേഷണത്തിന്റെ ആരംഭ ഘട്ടത്തില് തന്നെ കേസില് ഗൂഢാലോചനയില്ലെന്ന് പറഞ്ഞ മുഖ്യമന്ത്രിയുടെ നിലപാട് ദുരൂഹമാണ്. മുഖ്യമന്ത്രിയുടെ നിലപാട് ദൗര്ഭാഗ്യകരമാണെന്നും രമേശ് ചെന്നിത്തല പറഞ്ഞു.
ആഭ്യന്തര വകുപ്പ് കയ്യാളുന്ന മുഖ്യമന്ത്രിയുടെ പ്രസ്താവന അന്വേഷണത്തില് വിലങ്ങുതടിയായി മാറും. മുഖ്യമന്ത്രി അന്വേഷണത്തിന്റെ പ്രാരംഭഘട്ടത്തില് തന്നെ ഇപ്രകാരം അഭിപ്രായപ്പെട്ടത് തെറ്റാണ്. കേസ് വഴിതിരിച്ചുവിടാനുള്ള ശ്രമമാണോ ഇതെന്ന് സംശയിക്കേണ്ടിയിരിക്കുന്നെന്നും ചെന്നിത്തല പറഞ്ഞു.
പ്രതികരിക്കാൻ ഇവിടെ എഴുതുക: