പിലാത്തറ: ചെറുതാഴം പഞ്ചായത്തിലെ പുത്തൂര് കുന്നും അപ്പായി മൊട്ടയും മണ്ണ് മാഫിയകളുടെ കരങ്ങളാല് ഇല്ലാതാകുന്നു. കുന്നിടിക്കലും മണ്ണെടുക്കലും വ്യാപകമായതോടെ പുത്തൂര് ഗ്രാമത്തിലും സമീപ വയലുകളിലും കുടിവെള്ളക്ഷാമവും വരള്ച്ചയും രൂക്ഷമാകകയാണ്.
പുത്തൂര് ഗ്രാമത്തിന്റെ പരിസ്ഥിതി സംന്തലിതാവസ്ഥക്കും കാര്ഷിക സമൃദ്ധിക്കും നിദാനമായ കുന്നുകളാണ് ഏറെക്കാലമായി യന്ത്രക്കൈകളാല് ഇടിച്ച് കടത്തുന്നത്. ഏറെ ജനവാസമുള്ള പ്രദേശത്തോട് ചേര്ന്നതാണ് പുത്തൂര് കുന്ന്. കുന്നിന് മുകളില് നിരവധി വില്ലകളും താഴെത്തട്ടില് വീടുകളുമുള്ള അപ്പായി മൊട്ടയുടെ നാശം പ്രകൃതിക്കൊപ്പം ജനങ്ങള്ക്കും ഭീഷണിയാകുന്നു. നിരന്തരമായ കുന്നിടിക്കല് ഈ ഗ്രാമത്തിലെ ജലസ്രോതസ്സുകളെ തന്നെ ഇല്ലാതാക്കുകയാണ്. ഈ ഗ്രാമവുമായി ബന്ധപ്പെട്ട പുത്തൂര് വയല്, കാരാട്ട് വയല്, കോക്കാട് വയല് എന്നിവയെല്ലാം വരള്ച്ച ബാധിച്ച് കിടക്കുന്നു. പുത്തൂര് തോട് നാളുകള്ക്ക് മുമ്പെ വറ്റിവരണ്ടിരുന്നു.
പ്രതികരിക്കാൻ ഇവിടെ എഴുതുക: