തിരൂര്: തീരദേശ മേഖലയില് മുസ്ലീം ലീഗ്-സിപിഎം അക്രമികളുടെ തേര്വാഴ്ച. ഞായറാഴ്ച രാത്രി പത്തോടെ ചാപ്പപ്പടി മേഖലയിലാണ് അക്രമം പൊട്ടിപുറപ്പെട്ടത്. ഇരുകൂട്ടരും ചേരി തിരിഞ്ഞ് ഏറ്റുമുട്ടി. അക്രമികള് ഒരു വീടിനു നേരെ പെട്രോള് ബോംബെറിയുകയും നിരവധി വീടുകള്ക്ക് നേരെ അക്രമം നടത്തുകയും ചെയ്തു.
സംഘര്ഷം വ്യാപകമായതോടെ പോലീസ് ആകാശത്തേക്ക് വെടിവെക്കുകയും ഗ്രനേഡും കണ്ണീര് വാതകവും പ്രയോഗിക്കുകയും ചെയ്തു. രാത്രി വൈകിയും കോര്മ്മന് കടപ്പുറത്തെ ഒട്ടേറെ വീടുകള്ക്ക് നേരെ ആക്രമണം നടന്നു. സംഘര്ഷത്തില് നിരവധി പ്രദേശവാസികള്ക്കും സിഐ അടക്കമുള്ള പോലീസ് ഉദ്യോഗസ്ഥര്ക്കും പരിക്കേറ്റിട്ടുണ്ട്. ഇവര് വിവിധ ആശുപത്രികളില് ചികില്സയിലാണ്.
നിരവധി വാഹനങ്ങളും മല്സ്യബന്ധനവലകളും കത്തി നശിച്ചു. എന്നാല് അക്രമം നടക്കാത്ത സ്ഥലങ്ങില് പോലും പോലീസുകാര് അതിക്രമത്തിന് മുതിര്ന്നതായി പ്രദേശവാസികള് ആരോപിക്കുന്നുണ്ട്. നിരവധി വീടുകള് പോലീസുകാര് തകര്ത്തെന്നും പ്രദേശവാസികള് പറഞ്ഞു.
അക്രമത്തിനിടെ താനൂര് സിഐ അലവിക്ക് ഗുരുതര പരിക്കേറ്റു. സ്ഥലത്ത് പാലക്കാട്, കോഴിക്കോട്, തൃശൂര് മലപ്പുറം എംഎസ്പി എന്നിവിടങ്ങളില് നിന്നുള്ള പോലീസ് സംഘം ക്യാമ്പ് ചെയ്യുന്നുണ്ട്.
പ്രതികരിക്കാൻ ഇവിടെ എഴുതുക: